Gujarat Rains Forecast: આગામી 3 કલાક રાજ્યમાં ભારેથી મધ્યમ વરસાદની આગાહી

ગુજરાતમાં આગામી ત્રણ કલાકમાં ભારે, મધ્યમ અને હળવા વરસાદની આગાહી. પંચમહાલ, દાહોદ, છોટા ઉદેપુરમાં આગામી ત્રણ કલાકમાં ભારે વરસાદની આગાહી પવનની ગતિ 40 કિલોમીટર પ્રતિ કલાકે ફુકાશે. નવસારી, સુરત, વલસાડ, ડાંગ,તાપી,દમણ, દાદરા અને નગર હવેલી, ભરૂચ, નર્મદા, ખેડા, આણંદ, વડોદરા, મહીસાગરમાં મધ્યમ વરસાદની આગાહી. મોરબી, સુરેન્દ્રનગર, અમદાવાદ, ગાંધીનગર, મહેસાણા, સાબરકાંઠા, અરવલ્લી, બનાસકાંઠા,પાટણ, કચ્છ, જામનગર, રાજકોટ, બોટાદ, ભાવનગર, અમરેલી, ગીર સોમનાથ, જુનાગઢ, પોરબંદર, દેવભૂમિ દ્વારકા, દિવમાં હળવા વરસાદની આગાહી

ત્રણ સક્રિય સિસ્ટમ્સ ના કારણે દક્ષિણ ગુજરાતમાં અત્યંત ભારે વરસાદ નો વરતારો છે. આજે દાહોદ જિલ્લા માટે રેડ એલર્ટ જાહેર કરાયું છે, જ્યારે 12 જિલ્લા અને સંઘ પ્રદેશ દમણ-દાદરાનગર હવેલી માટે ઓરેન્જ એલર્ટ તથા 7 જિલ્લા માટે યલો એલર્ટ આપવામાં આવ્યું છે. માછીમારોને ઓગસ્ટ 1 સુધી દરિયો ન ખેડવા સૂચના અપાઈ છે.

આજે દાહોદ જિલ્લામાં રેડ એલર્ટ જાહેર કરવામાં આવ્યું છે, જે દર્શાવે છે કે અહીં અત્યંત ભારે વરસાદની સંભાવના છે. આ ઉપરાંત, 12 જિલ્લા (જેમાં દક્ષિણ ગુજરાતના મોટાભાગના જિલ્લાઓનો સમાવેશ થાય છે) અને સંઘ પ્રદેશ દમણ તથા દાદરાનગર હવેલી માટે ઓરેન્જ એલર્ટ જાહેર કરાયું છે, જે ભારે વરસાદ સૂચવે છે. રાજ્યના અન્ય સાત જિલ્લામાં સામાન્યથી મધ્યમ વરસાદની શક્યતા સાથે યલો એલર્ટ આપવામાં આવ્યું છે.