Gujarat Rain Alert: રાજ્યમાં આગામી 1 કલાક 3 જિલ્લા માટે ભારે, હવામાન વિભાગે જાહેર કર્યું રેડ એલર્ટ

આગામી એક કલાક અતિભારે. હવામાન વિભાગે જાહેર કરેલા નાઉકાસ્ટ મુજબ એક કલાકમાં કચ્છ, બનાસકાંઠા અને પાટણ જિલ્લામાં વરસાદનું રેડ એલર્ટ જારી કરાયું છે. એટલે કે અહીં 41થી 61 કિમી પ્રતિ કલાકની ઝડપે અતિભારે વરસાદનું અનુમાન વ્યકત કરાયું છે. રેડ એલર્ટ એટલે અતિથી અતિભારે વરસાદ વરસી શકે છે. આ તરફ સૌરાષ્ટ્રના તમામ જિલ્લામાં વરસાદનું ઓરેંજ એલર્ટ જાહેર કરાયું છે. દક્ષિણ અને ઉત્તર ગુજરાતને ઘમરોળ્યા બાદ હવે સૌરાષ્ટ્રનો વારો છે. આજે એક કલાકમાં સુરેન્દ્રનગર,મોરબી, જામનગર, રાજકોટમાં ઓરેંજ એલર્ટ અપાયું છે. તો બોટાદ, અમરેલી, ભાવનગર, જૂનાગઢ, ભાવનગર, પોરબંદર, દ્વારકા, ગીર સોમનાથ અને સંઘ પ્રદેશ દીવમાં પણ ઓરેંજ એલર્ટ અપાયું છે. ઓરેંજ એલર્ટ એટલે તેજ પવન સાથે છૂટ્ટાછવાયા સ્થળે ગાજવીજ સાથે અતિભારે વરસાદ વરસશે. આ ઉપરાંત સાબરકાંઠા, મહેસાણા, ગાંધીનગર અને અમદાવાદમાં પણ ઓરેંજ એલર્ટ જારી કરાયું છે. આ તરફ મધ્ય અને દક્ષિણ ગુજરાતના 15 જિલ્લામાં વરસાદનું યલો એલર્ટ અપાયું છે. અરવલ્લી, ખેડા, આણંદ, મહિસાગર, પંચમહાલ, દાહોદ, વડોદરા, છોટાઉદેપુર, ભરૂચ, નર્મદા, તાપી, ડાંગ, સુરત, નવસારી, વલસાડ અને સંઘપ્રદેશ દમણ તથા દાદરાનગર હવેલીમાં વરસાદનું યલો એલર્ટ અપાયું છે.  યલો એલર્ટ એટલે કે છૂટ્ટાછવાયા સ્થળે પવન સાથે ભારે વરસાદ વરસવાની સંભાવના છે.