PM Modi Diwali Celebration: PM બન્યા બાદ પહેલીવાર મોદીએ ગુજરાતમાં સેનાના જવાનો સાથે કરી દિવાળીની ઉજવણી

સમગ્ર દેશમાં ગુરુવારે એટલે કે 31 ઓક્ટોબરે દિવાળીની ધામધૂમથી ઉજવણી કરવામાં આવી રહી છે. લોકો એકબીજાને દિવાળીની શુભેચ્છા પાઠવી રહ્યા છે. આ બધા વચ્ચે પીએમ મોદી દર વર્ષની જેમ આ વર્ષે પણ સેનાના જવાનો સાથે દિવાળી મનાવી છે. આ વખતે પીએમ મોદી કચ્છમાં સેનાના જવાનો સાથે દિવાળી મનાવી છે. વડાપ્રધાન બન્યા બાદ નરેન્દ્ર મોદી પહેલીવાર ગુજરાતમાં સેના સાથે દિવાળી મનાવી છે. આ અગાઉ ગુજરાતના મુખ્યમંત્રી હતા ત્યારે તેમણે ગુજરાતમાં આર્મી સાથે દિવાળીની ઉજવણી કરી હતી.

કચ્છમાં જવાનો સાથે PM મોદીએ દિવાળી મનાવી છે. BSFના જવાનો સાથે PM મોદીએ દિવાળીની ઉજવણી કરી છે. PM મોદીએ જવાનોને મીઠાઈ ખવડાવી  શુભેચ્છા માઠવી હતી. પીએમ મોદીએ લકીનાળા ખાતે BSFના જવાનો સાથે દિવાળી મનાવી તેમની તસવીરો સામે આવી છે. તમને જણાવી દઈએ કે, દર વર્ષે પીએમ મોદી જવાનો સાથે દિવાળી મનાવે છે.

પીએમ નરેન્દ્ર મોદી બે દિવસીય ગુજરાત પ્રવાસે છે. તેમણે કેવડિયા ખાતે લોખંડી પુરુષ સરદાર વલ્લભભાઈ પટેલને પુષ્પાંજલિ અર્પણ કરી હતી અને રાષ્ટ્રીય એકતા દિવસના કાર્યક્રમમાં ભાગ લીધો હતો. કેવડિયાથી વડાપ્રધાન મોદી કચ્છ પહોંચ્યા હતા, જ્યાં તેઓ સૈનિકો સાથે દિવાળીનો તહેવાર મનાવ્યો હતો.