Gujarat Budget Session: બાગાયત ખાતાની યોજના માટે 442 કરોડ રૂપિયાની જોગવાઇ

બાગાયત ખાતાની યોજનાઓ માટે રૂપિયા ૪૪૨ કરોડની જોગવાઇ કરવામાં આવી છે. બિનઉપજાઉ સરકારી પડતર જમીનને બાગાયતી અને ઔષધિય પાકોની ખેતી માટે ઉપયોગમાં લઇ શકાય તે હેતુથી રાજ્ય સરકારે મુખ્યમંત્રી બાગાયત વિકાસ મિશનની જાહેરાત કરેલ છે. આ યોજનામાં પ્રથમ તબક્કે કચ્છ , સુરેન્દ્રનગર , પાટણ , સાબરકાંઠા અને બનાસકાંઠા જિલ્લાની ૫૦ હજાર એકર ખરાબાની બિનઉપજાઉ જમીન આધુનિક ટેકનોલોજીથી ઉપજાઉ બનાવવા માટે અને તે દ્વારા મોટી સંખ્યામાં નવી રોજગારીનું નિર્માણ કરવા માટે પ્રગતિશીલ ખેડૂતો , સક્ષમ વ્યક્તિઓ , સંસ્થાઓ , કંપનીઓ અથવા ભાગીદારી પેઢીને ભાડાપટ્ટે આપવામાં આવશે .