Gujarat Rain Forecast | ગુજરાતમાં આગામી 3 કલાકમાં ક્યાં ક્યાં તૂટી પડશે વરસાદ? | ABP Asmita

Gujarat Rain Forecast | આગામી ત્રણ કલાકમાં હળવા વરસાદની આગાહી. હવામાન વિભાગે આગામી ત્રણ કલાકમાં રાજ્યના કેટલાક ભાગોમાં હળવા વરસાદની આગાહી કરી છે. ઉત્તર ગુજરાત અને દક્ષિણ ગુજરાતના જિલ્લાઓમાં આગામી ત્રણ કલાકમાં વરસાદ પડી શકે છે.  પાટણ, મહેસાણા, ગાંધીનગર, સાબરકાંઠા અને અરવલ્લીમાં હળવો વરસાદ વરસવાની આગાહી છે.  નર્મદા, તાપી, ડાંગ, નવસારી અને વલસાડમાં હળવો વરસાદ પડી શકે છે. સંઘપ્રદેશ દાદરાનગર હવેલીમાં પણ હળવો વરસાદ વરસશે તેવું હવામાન વિભાગનું અનુમાન છે.  બનાસકાંઠા, પાટણ, મહેસાણા, સાબરકાંઠા, ગાંધીનગર અને અરવલ્લીમાં હળવોથી મધ્યમ વરસાદ વરસી શકે છે. ખેડા, અમદાવાદ, આણંદ, પંચમહાલ, દાહોદ, મહિસાગર, વડોદરા અને છોટા ઉદયપુરમાં હળવોથી મધ્યમ વરસાદ વરસી શકે છે.
નર્મદા, ભરૂચ, તાપી, સુરત, ડાંગ, નવસારી, વલસાડમાં હળવોથી મધ્યમ વરસાદ વરસવાની આગાહી છે.  કચ્છ અને સૌરાષ્ટ્રના મોટા ભાગના જિલ્લામાં છૂટા છવાયા સ્થળો પર આજે હળવોથી મધ્યમ વરસાદ વરસી શકે છે. જેમાં સુરેન્દ્રનગર, રાજકોટ, જામનગર, પોરબંદર, જૂનાગઢ, અમરેલી, ભાવનગર, મોરબી, દ્વારકા, ગિરસોમનાથ અને બોટાદનો સમાવેશ થાય છે.