Morbi News: મોરબીના હળવદમાં ટ્રેનની અડફેટે બે બાળકના મોત, માતા ઈજાગ્રસ્ત

મોરબીના હળવત ગામમાં આજે એક ભયાનક ટ્રેન અકસ્માતમાં બે બાળકોના મોત થયા છે અને તેમની માતા ગંભીર રીતે ઘાયલ થઈ છે. ઘટના રણજીતગઢ અને કેદારિયા ગામ વચ્ચે રેલવે ટ્રેક ક્રોસ કરતી વખતે બની હતી. માલગાડીની અડફેટે ગોપી બજાણીયા અને નિકુલ બજાણીયા નામના બાળકોના મોત થયા હતા. તેમની માતા મંગુબેનને ગંભીર ઈજાઓ પહોંચી હતી અને તેમને તાત્કાલિક સારવાર માટે હોસ્પિટલ ખસેડવામાં આવ્યા છે. અકસ્માતમાં એક દોઢ વર્ષનું બાળક બચી ગયું છે. ઘટનાની જાણ થતાં આસપાસના લોકો દોડી આવ્યા હતા. હળવત પોલીસની ટીમ અને રેલ્વે પોલીસની ટીમ પણ સ્થળ પર પહોંચી ગઈ હતી. બંને બાળકોના મૃતદેહોને પીએમ માટે ખસેડવામાં આવ્યા છે અને વધુ તપાસ હળવત પોલીસ અને રેલ્વે પોલીસની ટીમ દ્વારા ચલાવવામાં આવી રહી છે.