The Sabarmati Report: 'સત્ય સામે આવી જાય છે..': PM મોદીએ ગોધરા કાંડ પર બનેલી ફિલ્મના કર્યા વખાણ

અભિનેતા વિક્રાંત મેસીની ફિલ્મ ‘ધ સાબરમતી રિપોર્ટ’ રિલીઝ થઈ ગઈ છે. ફિલ્મ રિલીઝ થયા તે પહેલા જ ઘણી ચર્ચામાં હતી. જોકે, હવે આ ફિલ્મ રિલીઝ થયા બાદ પ્રધાનમંત્રી મોદીએ પણ એક્સ પર પોસ્ટ કરીને ફિલ્મને બિરદાવી છે. પીએમ મોદીએ પોસ્ટ કરતા લખ્યું કે સારું છે કે સત્ય બહાર આવી ગયું. જેથી સામાન્ય માણસ પણ આ સત્યને જાણી શકશે. આ સાથે કહ્યું કેખોટી વાત મર્યાદિત સમય માટે જ હોય છે. અંતે તો હકીકત બહાર આવીને જ રહે છે.

'ધ સાબરમતી રિપૉર્ટ' પર શું લખ્યું છે પીએમ નરેન્દ્ર મોદીએ ? 

પીએમ મોદીએ તેમના ઓફિશિયલ એક્સ હેન્ડલ પરથી આલોક ભટ્ટ નામના યૂઝરની X પૉસ્ટને ફરીથી પૉસ્ટ કરી છે. ગોધરા ઘટના પર બનેલી ફિલ્મ ધ સાબરમતી રિપૉર્ટના ટ્રેલરનો પણ આ પોસ્ટમાં ઉપયોગ કરવામાં આવ્યો છે.

પીએમ મોદીએ રિપૉસ્ટ કરતા લખ્યું કે, "આ સારી વાત છે કે આ સત્ય બહાર આવી રહ્યું છે અને તે પણ એવી રીતે કે સામાન્ય લોકો તેને જોઈ શકે. નકલી કથા થોડા સમય માટે જ ટકી શકે છે. છેવટે, હકીકતો હંમેશા બહાર આવે છે!"