Tamilnadu Fire News: ડીઝલ લઈ જતી માલગાડીમાં લાગી ભીષણ આગ, ચેન્નાઈ જતી મુસાફર ટ્રેન થઈ પ્રભાવિત
Tamilnadu Fire News: ડીઝલ લઈ જતી માલગાડીમાં લાગી ભીષણ આગ, ચેન્નાઈ જતી મુસાફર ટ્રેન થઈ પ્રભાવિત
તમિલનાડુમાં તિરુવલ્લૂર રેલવે સ્ટેશન નજીક રવિવારે સવારે 5.30 વાગે ડીઝલ લઇ જઇ રહેલી એક માલગાડીના ચાર કોચમાં અચાનક આગ લાગી હતી. આગ એટલી ભયંકર હતી કે ચારે બાજુ આગની જ્વાળા અને ધુમાડા ગોટા દેખાવા લાગ્યા હતા. માલ ગાડીમાં આગ લાગતા આસપાસના લોકોમાં અફરાતફરી મચી હતી. ઘટનાસ્થળે ફાયર બ્રિગેડ અને બચાવ કર્મચારી પહોંચી બહુ મહેતને આગને કાબુમાં લીધી હતી. પ્રાથમિક માહિતી મુજબ આ દૂર્ઘટનામાં કોઇ જાન હાનિ થઇ નથી.
આગ કેટલી વિકરાળ હતી તેનો અંદાજ ઘટનાના ફોટો અને વિડીયો જોઈને આવી શકે છે, આગને કારણે ઉઠેલો કાળો ધુમાડો દુર દુર સુધી ફેલાયો હતો. ચારેય ટેન્કર ભરેલું ક્રૂડ ઓઇલ લાંબા સમય સુધી સળગતું રહ્યું. અધિકારીઓના જણાવ્યા મુજબ ભારે જહેમત બાદ આગ પર કાબુ મેળવી લેવામાં આવ્યો છે, આગ લાગવાનું કારણ હજુ સુધી જાણી શકાયું નથી.