Kadi Rain : કડીમાં ધોધમાર વરસાદ બાદ ફરી એકવાર અંડર પાસ પાણીમાં ગરકાવ, જુઓ અહેવાલ
Kadi Rain : કડીમાં ધોધમાર વરસાદ બાદ ફરી એકવાર અંડર પાસ પાણીમાં ગરકાવ, જુઓ અહેવાલ
મહેસાણા: મહેસાણા જિલ્લામાં આજે વહેલી સવારથી મેઘરાજા મહેરબાન થયા હતા. કડીમાં આજે ધોધમાર વરસાદ વરસ્યો છે. બે કલાકમાં વરસેલા અઢી ઈંચથી મહેસાણાનું કડી પાણી પાણી થયું હતું. ધોધમાર વરસાદથી કડીમાં જમીન ત્યાં જળની સ્થિતિ સર્જાય હતી. નીચાણવાળા વિસ્તારોમાં ગોઠણસમા પાણી ભરાયા છે.
કડીમાં ધોધમાર વરસાદને પગેલ અંડરપાસ, કરણનગર રોડ વરસાદી પાણીથી જળમગ્ન થયા છે. વરસાદી પાણીમાંથી પસાર થતી કારના બોનટ સુધી પાણી જોવા મળ્યા હતા. નીચાણવાળા વિસ્તારની દુકાનો, સોસાયટીઓમાં વરસાદી પાણી ફરી વળતા ઘર વખરી અને માલસામાનને પણ નુકસાન થયું છે. કડીમાં ભારે વરસાદના કારણે રોડ પર વરસાદી પાણી ભરાતા કેટલાક વાહનો પણ બંધ પડ્યા હતા. અંડરપાસમાં પાણી ભરાતા વાહન વ્યવહાર ઠપ્પ થયો હતો.