Nitin Patel : MLA હાર્દિક પટેલ મંત્રી બને તેવી નીતિન પટેલે કરી પ્રાર્થના

મહેસાણા: પૂર્વ નાયબ મુખ્યમંત્રી નીતિન ભાઈ પટેલ અને હાર્દિક પટેલ કડીમાં એક મંચ પર સાથે જોવા મળ્યા હતા. આ દરમિયાન પોતાના સંબોધનમાં નીતિન પટેલે ધારાસભ્ય હાર્દિક પટેલ મંત્રી બને તેવી પ્રાર્થના કરી હતી. કડીમાં 72 ચુંવાળ કડવા પાટીદાર સમાજના કાર્યક્રમમાં નીતિન પટેલે ખૂબ જ મોટું નિવેદન આપ્યું છે.

નીતિનભાઈ પટેલે પોતાના સંબોધનમાં કહ્યું કે, હાર્દિક મંત્રી બને તે માટે મા ઉમિયાને પ્રાર્થના કરીએ. પહેલું સ્ટેજ મંત્રીનું આવે, તો પહેલા મંત્રી બને તેવી પ્રાર્થના. બીજું સ્ટેજ આવતા તો બહું વાર લાગશે. આ સાથે જ નીતિનભાઈ પટેલે વધુમાં કહ્યું કે, ધારાસભ્ય બન્યા બાદ હાર્દિક પટેલના નામે એક પણ વિવાદ નથી. 2015,16,17 માં અનામત આંદોલનને હાર્દિક પટેલે યાદ કર્યું હતું. હાર્દિક પટેલે કહ્યું, નીતિનભાઈ સાહેબ, આનંદીબેને સમાજ માટે બિન અનામત આયોગ, બિન અનામત નિગમ અને 10% EWS મંજૂર કરીને આપ્યું છે.