રાજ્યના ગીર સોમનાથમાં વિજળી પડવાની ઘટના બની હતી. ઘરના મકાન પર વીજળી પડવાની ઘટના સીસીટીવી કેમેરામાં કેદ થઇ હતી. ત્યારે વીજળી પડતા જ લાઇટો ગુલ થઇ હતી. જોકે સમગ્ર ઘટનામાં કોઇ જાનહાની સર્જાઇ ન હતી.
રાજ્યમાં વરસાદ ધીમે પગલે વિદાય લઇ રહ્યો છે. ત્યારે ગતરાત્રિના ગીર સોમનાથ ખાતે વીજળી પડવાની ઘટના સર્જાઇ હતી. જેના કારણ મકાનમાં મોટા પાયે નુકશાન પહોંચ્યુ હતુ. વીજળી પડતા જ મકાનની લાઇટ બંધ થઇ જવા પામી હતી. જેના સીસીટીવી વીડિયો હાલ વાયરલ થઇ રહ્યા છે.વીડિયોમાં નજરે પડતા દ્રશ્યો મુજબ રાજકોટના માયાણી ચોક વિસ્તારમાં હોટેલ સામે બાબુભાઈ રાખસિયાના જય બાલાજી મકાનમાં વીજળી પડવાની ઘટના બની હતી. જેના કારણે લાઇટો ગુલ થઇ ગઇ હતી. ત્યારે આ ઘટનાને લઇ મકાનની દિવાલમાં તિરાડ પડી હતી. ઉપરાંત પાણીની ટાંકી ફાટી ગઇ હતી. આ ઉપરાંત વીજળીના કારણે મકાનની છત પર સોલાર સહિતની વસ્તુઓને નુકશાન પહોંચ્યુ છે.