રાજકોટના લોધિકા તાલુકાના આ ગામમાં હજુ સુધી નથી નોંધાયો એક પણ કોરોનાનો કેસ

દિવાળી બાદ કોરોનાવાયરસ ગુજરાતમાં ફરીવાર વર્ક્યો છે. જોકે આ મહામારી વચ્ચે પણ રાજકોટ જિલ્લાના લોધિકા તાલુકાના અભેપર ગામમાં હજુ સુધી એક પણ કોરોનાનો કેસ નોંધાયો નથી. આ ગામના લોકોની જાગૃતિના કારણે કોરોનાનો એક પણ કેસ નોંધાયો નથી. આ અંગે ગામના મહિલા સરપંચે કહ્યું હતું કે જ્યારથી કોરોના આવ્યો છે ત્યારથી ગામમાં સો ટકા સાવચેતી રાખવામાં આવે છે. તમામ લોકોને ફરજિયાત માસ્ક પહેરવાનો નિયમ બનાવ્યો છે.