સુરત જિલ્લા પ્રાથમિક શિક્ષક સંઘના પ્રમુખની ઓડિયો ક્લિપ વાયરલ, શિક્ષિકાને ફરજ પર પરત લેવા કરી રૂપિયાની માંગ

સુરત જિલ્લા પ્રાથમિક શિક્ષણ સંઘના પ્રમુખ કિરીટ પટેલનો શિક્ષિકા પાસે પૈસા માંગતો ઓડિયો વાયરલ થયો હતો. આ મામલે શિક્ષણ વિભાગે તપાસના આદેશ આપ્યા હતા. જિલ્લાની એક શિક્ષિકાને ફરીથી ફરજ પર લેવા પૈસા માંગતા હોવાનો ઓડિયો ક્લિપ વાયરલ થઇ હતી. હાલ શિક્ષિકા મહુવા તાલુકાના એક ગામમાં ફરજ બજાવી રહ્યા છે. શિક્ષિકાએ આ મામલે કહ્યું કે, મને રાત દિવસ ખુબજ હેરાનગતિ કરવામાં આવી છે. મારી પાસે વારંવાર પૈસાની માંગણી કરવામાં આવી છે.