Surat :ટેકઓફ થયાના 20 મીનિટમાં ગોવા જતી ફ્લાઈટને મળી બોમ્બથી ઉડાવી દેવાની ધમકી

છેલ્લા 24 કલાકમાં ડોમેસ્ટિક અને ઈન્ટરનેશનલ ફ્લાઈટ પર લગભગ 80 બોમ્બની ધમકીઓ મળી હતી, જે પાછળથી ખોટી સાબિત થઈ હતી. પરંતુ, આનાથી હજારો મુસાફરો અને સુરક્ષા એજન્સીઓ ચિંતિત છે. સૂત્રોએ જણાવ્યું કે માત્ર મંગળવારે જ 50 ફ્લાઈટને બોમ્બની ધમકીઓ મળી હતી, જેમાં ઈન્ડિગો અને એર ઈન્ડિયાની 13 ફ્લાઈટનો સમાવેશ થાય છે. અકાસા એરની 12 થી વધુ અને વિસ્તારાની 11 ફ્લાઈટને પણ ધમકીઓ મળી છે.

170 થી વધુ ફ્લાઇટ્સને બોમ્બની ધમકી

આ સિવાય સોમવારે રાત્રે ઈન્ડિગો, એર ઈન્ડિયા અને વિસ્તારાની લગભગ 30 ફ્લાઈટને બોમ્બની ધમકી મળી હતી. છેલ્લા નવ દિવસોમાં, ભારતીય એરલાઇન્સ દ્વારા સંચાલિત 170 થી વધુ ફ્લાઇટ્સને બોમ્બની ધમકીઓ મળી છે, જેમાંથી મોટાભાગની સોશિયલ મીડિયા દ્વારા આવી છે, જેના પરિણામે કેટલીક આંતરરાષ્ટ્રીય ફ્લાઇટ્સનું ડાયવર્ઝન થયું છે.