રાજકોટઃ રોયલ મેળામાં બેબી ટ્રેન નીચે આવી જતાં ત્રણ વર્ષના બાળક મોત, વીડિયો આવ્યો સામે

રાજકોટ: શાસ્ત્રી મેદાનમાં આયોજિત રોયલ મેળામાં શુક્રવારે રાત્રે 3 વર્ષનો બાળક બેબી ટ્રેન નીચે આવી જતાં તેનું મોત થયું હતું. માતા-પિતા અને મેળાના આયોજકોની બેદરકારીને કારણે આ અકસ્માત સર્જાયો છે. આ ઘટના સીસીટીવીમાં કેદ થઇ ગઇ હતી. સીસીટીવીના આધારે પોલીસે તપાસ હાથ ધરી છે. વિજયભાઇ ગુજરાતીનો પરિવાર બે પુત્રી અને એક પુત્ર જય (ઉ.વ.3)ને લઈ શુક્રવારે મેળામાં ગયા હતા. ત્યારે આ ઘટનામાં ત્રણ વર્ષીય જયનું મોત થયું છે.