ઉત્તરપ્રદેશઃ GST વર્કશોપમાં મુખ્યમંત્રી યોગી આદિત્યનાથની સામે જ સૂઇ ગયા ધારાસભ્યો

લખનઉઃ ઉત્તરપ્રદેશમાં યોગી સરકાર દ્ધારા જીએસટી બિલને લઇને ધારાસભ્યો માટે લખનઉમાં લોકભવનમાં જીએસટી વર્કશોપનું આયોજન કરવામાં આવ્યું હતું. આ વર્કશોપમાં મુખ્યમંત્રી યોગી આદિત્યનાથ સાથે વિધાનસભાના સ્પીકર સહિત મોટી સંખ્યામાં ધારાસભ્યો હાજર રહ્યા હતા.

રસપ્રદ વાત એ રહી કે જીએસટીના તમામ ટેકનિકલ બાબતોની જાણકારી આપવા માટે બોલાવવામાં આવેલા આ વર્કશોપમાં અનેક ધારાસભ્યો સૂતા જોવા મળ્યા હતા. એક તરફ જીએસટી પર ચર્ચા ચાલી રહી હતી તો કેટલાક ધારાસભ્યો સૂવામાં વ્યસ્ત હતા. દરમિયાન મુખ્યમંત્રી આદિત્યનાથે કહ્યું કે, રાજનીતિમાં વૈચારિક મતભેદ હોઇ શકે છે પરંતુ દેશના વિકાસ માટેના નિર્ણયો સહમતિ સ્વાગત યોગ્ય છે.