પ્રિયા વોરિયરે આંખ મારતા મહાત્મા ગાંધી નીચે પડી ગયા, વાયરલ વીડિયોથી લોકોમાં ગુસ્સો

અમદાવાદઃ એક 28 સેકન્ડના વીડિયોને કારણે રાતોરાત દુનિયાભરમાં ફેમસ થયેલી મલયાલમ એક્ટ્રેસ પ્રિયા પ્રકાશ વોરિયર અને મહાત્મા ગાંધીની એક ક્લિપ સોશિયલ મીડિયા પર વાયર થતાં પોરબંદરના લોકોની લાગણી દુભાઇ હતી. પોરબંદરના લોકોના મતે આ પ્રકારના વીડિયો વાયરલ કરીને ગાંધીજીનું અપમાન કરવામાં આવી રહ્યું છે. આવા તત્વો સામે કડક કાર્યવાહી કરવાની માંગ કરી હતી. મલયાલમ ફિલ્મના સોંગમાં પ્રિયા એક છોકરાને આંખ મારતી બતાવવામાં આવી છે અને આ વીડિયોને એડિટ કરીને મહાત્મા ગાંધીને બતાવવામાં આવ્યા છે. વીડિયોમાં જોઇ શકાય છે કે પ્રિયા આંખ મારે છે ત્યારે મહાત્મા ગાંધીને પડતા બતાવ્યા છે. ક્લિપમાં પ્રિયા પ્રકાશ આંખ મારે તે દ્રશ્ય અને અન્ય એક ફિલ્મનું મહાત્મા ગાંધીને ગોળી મારી હોવાના દ્રશ્યને એક કરીને વીડિયો બનાવવામાં આવ્યો છે.