પ્રથમ પ્રાઈવેટ સ્પેશિપ ઉડાવશે ભારતીય મૂળની આ અંતરિક્ષ યાત્રી

જણાવી દઈએ કે, 2011 બાદ અમેરિકાની ધરતી પરથી અંતરિક્ષની ઉડાણ ભરનારી આ પહેલી ક્રૂ હશે. 2014માં બોઈંગ અને સ્પેસએક્સ બંનેને 6.8 બિલિયન ડોલરનો કોન્ટ્રાક્ટ આપવામાં આવ્યો હતો. આ કોન્ટ્રાક્ટ તેમને સ્પેસ સ્ટેશન સુધી ક્રૂ લઈ જવા માટે સ્પેસક્રાફ્ટ તૈયાર કરવા માટે આપવામાં આવ્યો હતો.

ઉલ્લેખનીય છે કે, પ્રાઈવેટ સ્પેસશિપ કમર્શિયલ સ્પેસક્રાફ્ટ યોજના અંતર્ગત અંતરિક્ષમાં જશે. પહેલી ઉડાણ 2019ની શરૂઆત અથવા મધ્ય સુધીમાં ભરી શકે છે. શરૂઆતમાં આ ક્રૂ કેટલી ટેસ્ટ ઉડાણ પર જશે, જેમા અલગ અલગ પરિસ્થિતિઓમાંથી પસાર થવાનો પ્રયાસ કરાશે. આ ક્રૂમાં 8 એક્ટિવ નાસા મેમ્બર છે અને 1 પૂર્વ અંતરિક્ષ યાત્રી કમર્શિયલ ક્રૂ તરીકે જોડાયા છે. આ ક્રૂ મેમ્બર્સ બોઈંગની CST-100 Starliner અને SpaceX Dragoncapsules સ્પેસશિપને ઈંટરનેશનલ સ્પેશ સ્ટેશન લઈ જવામાં સહયોગ આપશે.

ક્રૂમાં ડાબી બાજુથી વિક્ટર ગ્લોવર, મિશલ હોપકિંસ, રોબર્ટ બેનકેન, ડગલસ હર્લ, નિકોલસ માન, ક્રિસ્ટફર ફર્ગુશન, એરિક બો, જોશ કસાડા અને સુનિતા વિલિયમ્સ છે.

વોશિંગ્ટનઃ નાસાએ શુક્રવારે પોતાના પ્રથમ માનવ અંતરિક્ષ યાન કાર્યક્રમ માટે અંતરિક્ષ યાત્રીઓના નામની યાદી જાહેર કરી છે. તેમાં ભારતીય મૂળની સુનીતા વિલયમ્સને નવ અંતરિક્ષ યાત્રીમાં સામેલ કરવામાં આવી છે. આ અંતરિક્ષ યાત્રી અમેરિકાની અંતરિક્ષ એજન્સીના કોમર્શિયલ ક્રૂ કાર્યક્રમ અંતર્ગત સ્પેસ એક્સ અને બોઈંગ દ્વારા વિકસિત અંતરિક્ષ યાન પર સવાર થશે.