અફઘાનિસ્તાનમાં બોમ્બ બ્લાસ્ટઃ કાબુલ યૂનિવર્સિટી નજીક વિસ્ફોટમાં 25ના મોત

કહેવાય છે કે, આ વિસ્ફોટ એવા સમયે થયો છે જ્યારે અફઘાનિસ્તાનની રાજધાનીમાં લોકો નવરોજ ઉજવી રહ્યા હતા. જણાવીએ કે, નવરોજ ફારસીમાં નવા વર્ષની શરૂઆતનો પ્રથમ દિવસ હોય છે. ગૃહ મંત્રાલયના પ્રવક્તાએ કહ્યું કે, કાબુલમાં એક આત્મઘાતી હુમલાખોરે મસ્જિદ નજીક ખુદને બ્લાસ્ટ કર્યો છે.

કાબુલઃ અફઘાનિસ્તાનની રાજધાની કાબુલમાં મોટો બોમ્બ બ્લાસ્ટ થયો છે. મળતી માહિતી મુજબ કાબુલ યૂનિવર્સિટી અને અલી અબાદ હોસ્પિટલની નજીક બોમ્બ બ્લાસ્ટમાં 25 લોકો માર્યા ગયાના અહેવાલ છે. આ બ્લાસ્ટમાં 18 લોકો ઘાયલ થયા છે. હાલમાં આ જાણકારી અફઘાનિસ્તાની મીડિયા દ્વારા આપવામાં આવી રહી છે.