કેનેડાના PM જસ્ટિન ટ્રૂડોએ આપી નવરાત્રિની શુભકામના, જાણો શું કહ્યું

ઓટાવાઃ નવરાત્રિના તહેવાનો ઉત્સાહ અને ઉમંગ માત્ર ગુજરાત કે ભારતમાં જ નહીં વિદેશમાં પણ છે. કેનેડાના વડાપ્રધાન જસ્ટિન ટ્રૂડોએ પણ આ તહેવારની શુભકામના પાઠવી છે. તેમણે એક નિવેદન જાહેર કરીને કેનેડા સહિત વિશ્વભરના લોકોને શુભેચ્છા પાઠવી હતી.

થોડા મહિનાઓ પહેલા જસ્ટિન ટ્રૂડો ભારત પ્રવાસે આવ્યા ત્યારે અમદાવાદના ગાંધી આશ્રમની મુલાકાત પણ લીધી હતી. આ દરમિયાન તેમણે ત્યાં રેંટિયો કાંત્યો હતો.

આ સમગ્ર તહેવારના જશ્ન માટે પરિવાર અને મિત્રો એક સાથે આવે છે. પૂજા, નાચ-ગાન અને વિવિધ પરંપરાઓનું પાલન કરે છે. આ પરંપરા તેમને વારસામાં મળેલી હોય છે. ટ્વિટમાં તેણે લખ્યુ કે, કેનેડા અને વિશ્વભરમાં નવરાત્રિ મનાવી રહેલા હિન્દુ સમુદાયના લોકોને આ તહેવાની શુભકામના.

ટ્રૂડોએ કહ્યું, આજે સાંજે કેનેડા સહિત વિશ્વભરમાં હિન્દુ સમુદાયના લોકો માટે નવરાત્રિના તહેવાનો જશ્ન શરૂ થશે. આ જશ્ન જીત માટે મનાવવામાં આવે છે અને નવ રાત તથા 10 દિવસ સુધી ઉજવવામાં આવે છે. હવે આ તહેવાર વિશ્વભરમાં હિન્દુ અને બિન હિન્દુઓ દ્વારા ધામધૂમથી મનાવવામાં આવે છે.