19 વર્ષની ઉંમરે ગુજરાતી મૂળનો અક્ષય UKનો સૌથી યુવા કરોડપતિ બન્યો

અક્ષય કહે છે કે ‘સીધી વાત છે, લોકો મમ્મીઓ પર વિશ્વાસ કરે છે. મારી સાથે કામ કરતી દરેક મહિલા પ્રામાણિક રહેશે અને તે સાચું જ કહેશે. આ મહત્ત્વનું છે. જે લોકો પોતાનું મકાન વેચે છે તે તેમનું સૌથી મોટું નાણાકીય ટ્રાન્ઝેક્શન હોય છે. આથી તેમાં વિશ્વાસ જરૂરી છે.

રૂપારેલિયાને ઓક્સફર્ડ યુનિવર્સિટીમાં ઈકોનોમિક્સ અને મેથેમેટિક્સનો અભ્યાસ કરવાની ઓફર મળી છે, પણ તેણે તેના બિઝનેસમાં જ આગળ ધપવાનું નક્કી કર્યું છે. તેણે કંપનીની સ્થાપના કરી ત્યારથી પ્રોફિટમાંથી દર મહિને ૫૦૦ પાઉન્ડ પોતાના પગાર પેટે લેવાનું નક્કી કર્યું હતું, જે હવે વધારીને ૧૦૦૦ પાઉન્ડ કરી દીધા છે. તે બચત કરીને પોતાની કાર ખરીદવાની તૈયારી કરી રહ્યો છે.

શરૂઆતમાં તેણે તેની પોર્ટલને આધારે પૂછપરછ માટે જે ફોન આવતા હતા તેના જવાબ આપવા માટે કોલ સેન્ટરને કામગીરી સોંપી હતી. કારણ કે તે સ્કૂલમાં ભણવા જતો હતો. સાંજે ક્લાસ પૂરા થાય પછી તે આ પૂછપરછ જોઈ લેતો હતો. તેના બિઝનેસ મોડેલની વિશેષતા એ છે કે તે સ્વનિર્ભર થવા માગતી મહિલાઓને કામ આપે છે. આ મહિલાઓ ક્લાયન્ટ્સને પ્રોપર્ટી બતાવવાનું કામ કરે છે. તે માને છે કે તેનું આ બિઝનેસ મોડેલ પરંપરાગત રિયલ એસ્ટેટ એજન્ટો પાસેથી બિઝનેસ આંચકી લેશે.

અક્ષયનો દાવો છે કે તેણે આ સાઈટ મારફતે ૧૦ કરોડ પાઉન્ડની પ્રોપર્ટીનું વેચાણ અત્યાર સુધીમાં કરી નાખ્યું છે. તેણે કહ્યું કે ‘મેં વેબસાઈટ લોન્ચ કરી અને થોડો સમય થયો ત્યારબાદ સસેક્સમાં રહેતા એક વ્યક્તિએ મને તેમનું મકાન અને એક અલગ જમીન વેચવા માટે વાત કરી. મારી બહેનના બોયફ્રેન્ડની કારમાં ૪૦ પાઉન્ડ આપીને હું સસેક્સ ગયો અને મકાનના ફોટોગ્રાફ્સ લીધા. નોર્થ લંડનમાં રહેતા અક્ષયે એ વ્યક્તિની જમીન ત્રણ સપ્તાહમાં વેચી આપી. બસ, ત્યારબાદ એક પછી એક ઓનલાઈન ડીલ થવા લાગ્યા. તેણે ૭૦૦૦ પાઉન્ડ(અંદાજે ૬૦,૦૦૦ રૂપિયા)થી તેની કંપની શરૂ કરી હતી. તેમાં પણ સંબંધીઓ પાસેથી ઉછીના પૈસા લીધા હતા. આજે આ લબરમૂછિયાએ ૧૨ લોકોને નોકરીએ રાખ્યા છે.

માત્ર ૧૯ વર્ષના અક્ષય રૂપારેલિયાએ ભણતા ભણતાં જ પ્રોપર્ટી ડીલ કરવા માંડ્યા હતા. તેનો ઓનલાઈન બિઝનેસ પ્રોપર્ટી વેચવાની કામગીરી કરે છે અને તેના બદલામાં તે ચાર્જ વસૂલે છે. રિયલ એસ્ટેટના એજન્ટો કરતાં તે ખૂબ જ ઓછો ચાર્જ લે છે. અક્ષયની પોર્ટલ doorsteps.co.ukalt148 આ સપ્તાહે બ્રિટનની ૧૮મા ક્રમની સૌથી મોટી એસ્ટેટ એજન્સી તરીકે જાહેર થઈ છે.

લંડનઃ ભારતીય મૂળના અક્ષય રૂપારેલિયાનું નામ બ્રિટેનના સૌથી યુવા કરોડપતિઓની યાદીમાં સામેલ થયું છે. અક્ષયની ઉંમર માત્ર 19 વર્ષ છે, આટલી નાની ઉંમરે તે સફલ બિઝનેસમેન બની ગયો છે. તેની ઓનલાઈન કંપની Doorstep.co.uk 16 મહિનાની અંદર જ બ્રિટેનની 18 સૌથી મોટી બ્રિટેનની ઓનલાઈન કંપનીઓમાં સામલે થઈ ગઈ છે. અક્ષયની કંપનીનું મૂલ્ય એક વર્ષમાં એક કરોડ 20 લાખ પાઉન્ડ આંકવામાં આવતા તે યુવા કરોડપતિઓની યાદીમાં સામેલ થઈ ગયા છે.