પેન્ટ પહેર્યા વિના નીકળી પડ્યા યુવક-યુવતીઓ, જુઓ તસવીરો

ન્યૂયોર્કમાં પ્રથમવાર ‘નો પેન્ટ સબવે રાઇડ ડે’ મનાવવામાં આવ્યો હતો. જે હવે વિશ્વભરમાં પ્રસિદ્વ થઇ ગયો છે. આ દિવસ મનાવવા પાછળનો ઉદેશ્ય લોકોને હસાવવા અને તેનામાં જિજ્ઞાસા પેદા કરવાનો છે.

આ વિચિત્ર દિવસની શરૂઆત 14 વર્ષ અગાઉ 2002 વર્ષમાં ઇવપ્રોવ નામના મશહૂર થિયેટર ગ્રુપે કરી હતી. તે સમયે ફક્ત સાત લોકોએ આ દિવસ ઉજવી શરૂઆત કરી હતી. આ સાત લોકો આખો દિવસ ટ્રેનમાં પેન્ટ પહેર્યા વિના ફરતા રહ્યા પરંતુ થોડીવારમાં પોલીસે તેમની ધરપકડ કરી હતી.

આ દિવસ દરમિયાન લોકો પેન્ટ પહેર્યા વિના મેટ્રોમાં પણ મુસાફરી કરે છે. આ દિવસનું આયોજન કરનારા ગ્રુપનું કહેવું છે કે આ દિવસની શરૂઆત પાછળનો હેતુ લોકોને હસાવવાનો હતો. આ દિવસે લોકો પેન્ટ પહેર્યા વિના જ રસ્તાઓ પર ફરવા નીકળી પડે છે.

ન્યૂયોર્કઃ દર વર્ષની જેમ આ વર્ષે કાતિલ ઠંડી છતાં અમેરિકા સહિત યુરોપમાં આઠ જાન્યુઆરીના રોજ ‘નો પેન્ટ સબવે રાઇડ ડે’ મનાવવામાં આવ્યો હતો. ન્યૂયોર્ક, લંડન, બોસ્ટન, બર્લિન, સહિત વિશ્વના 60 શહેરોમાં 16મા વાર્ષિક ‘નો પેન્ટ સબવે રાઇડ ડે’ ઉજવવામાં આવ્યો હતો. ‘નો પેન્ટ સબવે રાઇડ ડે’ હેઠળ અમેરિકાના ન્યૂયોર્ક, લોસ એન્જલસ, શિકાગો, લંડન અને પેરિસમાં યુવક-યુવતીઓ પેન્ટ પહેર્યા વિના બહાર નીકળ્યા હતા.