અમેરિકા : કેલીફોર્નિયાની નાઇટ કલબમાં પાર્ટી દરમિયાન ભીષણ આગ, 40નાં મોત

આગની જાણકારી મળતા જ ફાયર બ્રિગેડની ટીમ ઘટનાસ્થળે પહોંચી ગઇ હતી. ઇલેકટ્રોનિક ડાન્સ મ્યૂઝિક પાર્ટીમાં આગ કેવી રીતે લાગી તે અંગેની કોઇ જાણકારી હજુ સુધી મળી નથી. આ પાર્ટીમાં 50થી 100 લોકો હોવાનો અહેવાલ પ્રાપ્ત થઇ રહ્યો છે.

સાન ફ્રાન્સિસકો : સાન ફ્રાન્સિસકોના કેલિફોર્નિયાના નાઇટ કલબમાં યોજાયેલ એક પાર્ટી દરમિયાન આગ લાગતા 40 લોકોના મોત થયા છે જ્યારે અન્ય લોકો ઘાયલ થયા છે.

ઓકલેન્ડ ફાયર બ્રિગેડ ટીમના પ્રમુખના જણાવ્યા અનુસાર ઓકલેન્ડ ઘોસ્ટશિપ નામની નાઇટ કલબની બે માળની બિલ્ડીંગમાં ગતરાત્રીએ આગ લાગી હોવાની જાણકારી મળી હતી.