દુનિયાની પ્રથમ સ્માર્ટ ટ્રેન, જે પાટા પર નહીં રોડ પર દોડશે, જાણો શું છે ખાસિયત

નવી દિલ્લી: ચીનની બુલેટ ટ્રેન ખૂબ પ્રખ્યાત છે અને સૌથી ઝડપી ટ્રેન દોડાવવામાં પણ મોખરે છે. હવે ચીને એવી ટ્રેન બનાવી છે જે પાટા વગર ચાલે છે. તમને જાણીને નવાઈ લાગશે પણ આ વાત સાચી છે. હંમેશા નવુ કરનાર ચીને હવે વર્ચુઅલ ટ્રેક પર દોડનારી ટ્રેન બનાવી છે. ચીન આ ટ્રેનને લઈને ખૂબ ઉત્સાહિત પણ છે.

આ સ્માર્ટ ટ્રેન સૌપ્રથમ લગભગ 40 લાખ આબાદીવાળા ઝુજો પ્રાંતમાં ચલાવવામાં આવી રહી છે. જો કે, બાદમા અન્ય શહરોમાં પણ આ રેલ સેવા શરૂ કરી શકે છે.

આ ટ્રેન બસ કરતા વધુ મુસાફરોને લઈ જઈ શકે છે. ટ્રેનમાં ત્રણ ડબ્બા છે. આ ટ્રેન ચલાવવા માટે રસ્તાની અંદર સેંસર ફિટ કરવામાં આવે છે.

આ ટ્રેનની ખાસ વિશેષતા એ છે કે ટ્રેનમાં એકસાથે 300 યાત્રીઓ મુસાફરી કરી શકે છે. આ ટ્રેન 70 કિલોમીટર પ્રતિ કલાકની ઝપડે દોડે છે. આ ટ્રેનને બસ અને ટ્રામની જેમ બનાવવામાં આવી છે.

જણાવી દઈએ કે, ચીન પ્રદુષણથી ખૂબ હેરાન થઈ રહ્યું છે ત્યારે એવામાં આ મેટ્રો તેમના માટે ફાયદાકારક ગણાવી શકાય. ચીન રેલ કોર્પોરેશને વર્ષ 2013માં આ પ્રકારની ટ્રેનની ડિઝાઈન બનાવવાની શરૂઆત કરી હતી.