દુનિયાની સૌથી મોંઘી વોડકા બોટલની ચોરી, જાણો કેટલી હતી તેની કિંમત?

નવી દિલ્લી: દુનિયાની સૌથી મોંઘી વોડકાની બોટલ ચોરી થઈ ગઈ છે. આ બોટલ ડેનમાર્કના દાનિશ બારના કેફે 33માં રાખવામાં આવી હતી અને આ કેફે દુનિયાના સૌથી મોંઘા દારૂના કલેક્શન માટે જાણીતું છે.

કેફેના માલિક બ્રિયન એન્ગબર્ગે ફેસબુક પર આ બોટલ ચોરી થયાની જાણકારી આપી હતી. તેમણે જણાવ્યું કે રાતે કોઈએ કેફેની ચાવી ચોરીને આ કારનામું કર્યું છે.

આ વોડકાની બોટલ મોંઘી તો હતી જ સાથે ખાસ એટલા માટે હતી કે બોટલ સોના-ચાંદીથી બનાવવામાં આવી હતી અને તેમાં મોંઘા ઝવેરાત લગાવેલા હતા.

આ બોટલની કિંમત 1.3 મિલિયન ડોલર એટેલે કે 8.25 કરોડ રૂપિયા બતાવવામાં આવી રહી છે. આ બોટલ રશિયાની કંપની Dartz Motorz એ બનાવી છે. તેનું નામ રુસો બાલટીક વોડકા છે.