વરસાદ મામલે અમદાવાદના કલેક્ટરે ટ્વિટ કરીને લોકોને શું આપી ચેતવણી? જાણો વિગત

હવામાન વિભાગની આગાહી મુજબ આગામી 24 કલાક દરમિયાન અમદાવાદ જિલ્લામાં ગ્રામ્ય તેમજ શહેરી વિસ્તારમાં ભારેથી અતિભારે વરસાદ થવાની સંભાવના હોઈ શહેરીજનો અને ગ્રામ્યજનોને સાવચેતી રાખવા જણાવવામાં આવે છે. અમદાવાદ કલેક્ટર ડો.વિક્રાંત પાંડેએ નંબર પણ જાહેર કર્યા હતાં જેમાં ડીઝાસ્ટર કંટ્રોલ રૂમ નં. 079-27560511 અને AMC કંટ્રોલ રૂમ નં. 26582520 અને 25682530 સંપર્ક કરવો.

ઉત્તર ગુજરાત તરફ સિસ્ટમ ખસી રહી છે અને 22 જુલાઈના પશ્ચિમ બંગાળમાં લો પ્રેશર સર્જાશે. જેથી ગુજરાતમાં ભારે વરસાદ વરસશે. અમદાવાદમાં પણ ભારે વરસાદ થવાની હવામાન વિભાગે આગાહી કરી છે. શહેરીજનો અને ગ્રામ્યજનોને સાવચેતી રાખવા કલેક્ટરે ટ્વિટ કર્યું છે અને નંબરો જાહેર કર્યા છે.

અમદાવાદ: ગુજરાતમાં ધીમે ધીમે હવે ચોમાસું જામતું જાય છે. છેલ્લા 24 કલાકમાં ધીમી ધારે ગુજરાતમાં સાર્વત્રિક વરસાદ થઈ રહ્યો છે. રાજ્યના 82 તાલુકાઓમાં નોંધપાત્ર વરસાદ વરસ્યો છે. જ્યારે છેલ્લા કેટલાંક સમયથી સૌરાષ્ટ્ર, દક્ષિણ ગુજરાત અને મધ્ય ગુજરાતમાં મેઘો મહેરબાન છે. ત્યારે હજુ પાંચ દિવસ ભારે વરસાદની હવામાન વિભાગે આગાહી કરી છે.

ઉત્તર ગુજરાત, દક્ષિણ ગુજરાત અને સૌરાષ્ટ્રમાં ભારે વરસાદની હવામાન વિભાગની આગાહી કરી છે. ખાસ કરીને ગીર સોમનાથ, અમરેલી, ભાવનગર, વલસાડ, સુરત, તાપી, નવસારી, અરવલ્લી, કચ્છમાં પણ વરસાદ પડશે તેમ હવામાન વિભાગે કહ્યું છે. ઉત્તર ગુજરાતમાં પણ સારો વરસાદ થશે તેમ હવામાન વિભાગે આગાહી કરી છે.