અમદાવાદઃ પ્રેમિકાની નજર સામે જ બોયફ્રેન્ડે કરી નાંખી પતિની હત્યા, હત્યા પહેલા કઈ બાબતે થયો હતો ઝઘડો?

વિવેકની પૂર્વ ગર્લફ્રેન્ડ પ્રિયંકાને વિવેક પાસેથી દોઢ લાખ રૂપિયા લેવાના નીકળતા હતા. જેનો હવાલો દેવદત્તે લીધો હતો. આ મુદ્દે પણ છેલ્લા થોડા સમયથી વિવેક અને દેવદત્ત વચ્ચે તકરાર ચાલું હતી. હત્યા થઈ તે અગાઉ પણ દેવદત્તનો ફોન સુનિતા ઉપર આવ્યો હતો અને કહ્યું હતું કે, તારા પતિ વિવેક પાસે તેની પહેલાની ગર્લફ્રેન્ડ પ્રિયંકાને દોઢ લાખ લેવાના છે. જેનો હવાલો પ્રિયંકાએ મને આપ્યો છે. તારા પતિને જણાવી દે કે પૈસા આપી દે.

નોંધનીય છે કે, દેવદત્ત શાહ સુનિતાનો પૂર્વ બોયફ્રેન્ડ છે. બંને વચ્ચે બ્રેકઅપ થયા પછી સુનિતા વિવેકના પરિચયમાં આવી હતી. બંને વચ્ચે પ્રેમ થતાં બંનેએ લગ્ન કરી લીધા હતા. જોકે, દેવદત્ત આ વાત સાંભળીને ખૂબ ઉશ્કેરાયો હતો. બીજી તરફ દેવદત્ત પણ સુનિતાના પતિ વિવેકની પૂર્વ ગર્લફ્રેન્ડ પ્રિયંકા ઉર્ફે પિહુના પરિચયમાં આવ્યો હતો.

સુનિતાએ વિવેકને આ બાબતે વોટ્સ-એપ ચેટથી વાતચીત કરી હતી. આ મામલો બિચક્યો હતો. બંને વચ્ચે ઉગ્ર બોલાચાલી અને ગાળાગાળી થતાં દેવદત્તે કહ્યું હતું કે, તું પ્રિયંકાના ઘર પાસે આવ, તને બતાવી દઉં કે ગાળો કેવી રીતે દેવાય અને પૈસા કોને લેવાના છે.

અમદાવાદઃ શહેરના ઘાટલોડિયા વિસ્તારમાં એક યુવકની પ્રેમપ્રકરણમાં હત્યા થઈ જતાં ભારે ચકચાર મચી ગઈ છે. ઉશ્કેરાયેલા યુવકે પોતાની પૂર્વ પ્રેમિકાની નજર સામે જ તેના પતિની હત્યા કરી નાંખી હતી. ઉશ્કેરાયેલા યુવકે તેં મારી ગર્લફ્રેન્ડ સાથે કેમ લગ્ન કર્યા છે, હું તને છોડીશ નહીં, તેમ કહીને છરીના ઉપરા-ઉપરી સાત ઘા મારીને ઠાર કરી નાંખ્યો હતો. આ પછી ત્યાંથી ભાગી ગયો હતો.

આ પછી રાત્રે ત્રણ વાગ્યાના અરસામાં વિવેક, સુનિતા અને બે મિત્રો પ્રિયંકાના ઘર પાસે કાર અને બાઈકમાં ઘાટલોડિયામાં અનમોલ ટાવર સામે આવ્યા હતા. દર્શન એપાર્ટમેન્ટના નાકે માતંગી ગારમેન્ટ દુકાન નજીક ઊભા રહી પ્રિયંકાને નીચે બોલાવાઈ હતી. જ્યાં તકરાર પછી વિવેકની હત્યા કરવામાં આવી હતી.

ગત શનિવારે રાત્રે વિવેક રાજપૂત પત્ની સુનિતા અને મિત્રો સાથે જન્મદિવસની પાર્ટી કરવા આવ્યો હતો, ત્યારે જ સુનિતાનો પૂર્વ પ્રેમી દેવદત્ત ત્યાં આવી પહોંચ્યો હતો. ત્યારે લગભગ રાતના સવા ત્રણ વાગ્યા હતા. ઘાટલોડિયાના અનમોલ ટાવર સામે બંને વચ્ચે તકરાર થઈ હતી. પ્રેમ પ્રકરણ અને પૈસાની લેવડ-દેવડને લઈને થયેલી તકરારમાં વિવેકને જીવ ગુમાવવો પડ્યો હતો.

બંને વચ્ચે તકરાર થઈ ત્યારે તેની સાથે અમઝદ પણ હતો. દેવદત્તે છરીના ઘા મારતાં વિવેક પડી ગયો હતો. આ પછી હોબાળો થતાં હુમલાખોરો નાસી ગયા હતા. આ પછી વિવેકને કારમાં સ્ટર્લિંગ હોસ્પિટલ લઈ જવાયો હતો. જ્યાં વિવેક મૃત્ય પામ્યાનું જણાયું હતું. અત્યારે પોલીસે દેવદત્ત શાહને ઝડપી લઈ સઘન પૂછપરછ હાથ ધરી છે. એટલું જ નહીં, મદદગારી કરનાર અમઝદની શોધખળ પણ ચાલું છે.

વસ્ત્રાપુર ગણેશ મંદિર પાસેના લેકવ્યુ એપાર્ટમેન્ટમાં રહેતા સુનિતા (26)ને વિવેક લાવત સાથે પ્રેમ સંબંધ બંધાતા બંનેએ તા.27-9-16 ના રોજ કોર્ટમાં લગ્ન કરી લીધા હતા. વિવેક નોકરીની શોધખોળમાં હતો અને સોનુએ દેવદત્ત સાથે સંબંધો કાપી નાંખ્યા હતા. જોકે, સુનિતાએ વિવેક સાથે લગ્ન કર્યાની વાત પૂર્વ બોયફ્રેન્ડ દેવદત્તને ગમી નહોતી. દેવદત્ત અવારનવાર સુનિતાને કહેતો હતો કે, હું વિવેકને છોડીશ નહીં.