Gemini Yearly Horoscope 2023: વર્ષ 2022 પૂરું થવામાં હવે ગણતરીના દિવસો બાકી રહ્યા છે. આવી સ્થિતિમાં વર્ષ 2023ને લઈ દરેક રાશિના જાતકો તેમનું આગામી વર્ષ કેવું પસાર થશે તે જાણવા ઉત્સુક છે. આ એપિસોડમાં મિથુન રાશિના જાતકોની વાત કરીશું. મિથુન રાશિ એ જ્યોતિષશાસ્ત્ર અનુસાર કુલ 12 રાશિઓ પૈકીની એક છે. આ રાશિ ત્રીજી રાશિ ગણાય છે. જેના મૂળક્ષર ક.છ.ઘ છે. મિથુન રાશિનો સ્વામી બુધ છે. જે જાતકોના જન્મ સમયે ચંદ્ર મિથુન રાશિમાં સંચરણ કરતો હોય, તેમની રાશિ મિથુન મનાય છે. જાણો જ્યોતિષ વિશારદ, ગોલ્ડ મેડાલિસ્ટ, સારિકા મહેતા શું કહે છે.
મિથુન રાશિના જાતકોનું કેવું રહેશે વર્ષ 2023
- ગ્રહોનું ગોચર શુભ થઈ રહ્યું છે
- ભાગ્યમાં ભાગ્યેશ અને કર્મમાં કર્મેશ
- તમારી પ્રતિષ્ઠા વધી શકે છે, અટકેલા કાર્ય આગળ વધી શકે છે જેનાથી લાભ પણ મળે
- સંઘર્ષનો ભાવ એક્ટિવ થાય છે, જે સઘર્ષોમાં સફળતાના યોગ બનાવે છે
- નોકરીમાં બદલાવ માટે ઉતમ સમય છે.
- સમયનો સદુપયોગ કરી જેટલી ભાગ દોડ કરશો તેટલો લાભ મળશે.
- એક ધ્યાન રાખવું કે ક્યાંય મોટું ઇન્વેસ્ટમેન્ટ કરવું નહીં.
- વિધ્યાર્થીને એપ્રિલ-મે-જૂન મહિનામાં અભ્યાસમાં ખાસ ધ્યાન રાખવું , બાકી સ્પર્ધાત્મક પરીક્ષાની તૈયારી માટે અત્યંત શુભ સમય છે. ભાગ્ય સાથ આપશે. પ્રેમ સંબંધ ગેરસમજના કારણે તૂટવા યોગ છે.
- લગ્નજીવનમાં વાદ-વિવાદ થઈ શકે. કોઈની વાતનું ખોટું લાગી શકે છે
Disclaimer: અહીં આપેલી માહિતી જ્યોતિષ દ્વારા આપવામાં આવી છે. abp અસ્મિતા આ અંગેનો કોઈ દાવો કરતું નથી. કોઈપણ માહિતી અથવા ધારણા લાગુ કરતાં પહેલાં, સંબંધિત નિષ્ણાતની સલાહ લો.
આ પણ વાંચોઃ
સૂર્યગ્રહણ અને ચંદ્રગ્રહણ 2023
વર્ષ 2023માં કુલ ચાર ગ્રહણ થશે, જેમાં બે સૂર્યગ્રહણ અને બે ચંદ્રગ્રહણ હશે. પહેલું સૂર્યગ્રહણ 20 એપ્રિલ 2023ના રોજ થશે અને બીજું સૂર્યગ્રહણ 14 ઓક્ટોબર 2023ના રોજ થશે, પરંતુ આ બંને ગ્રહણ ભારતમાં દેખાશે નહીં.
ચંદ્રગ્રહણ 2023
પ્રથમ ચંદ્રગ્રહણ 5 મે 2023ના રોજ થશે અને તે પછી બીજું ચંદ્રગ્રહણ 28 ઓક્ટોબર 2023 ના રોજ થશે, જે બંને ભારતમાં પણ દેખાશે.
2023માં કેતુ રહેશે પ્રભાવી
વર્ષ 2023 નો કુલ સરવાળો 7 થાય છે, જે અંકશાસ્ત્રમાં કેતુનો અંક માનવામાં આવે છે, તેથી આ વર્ષે ધર્મ-કાર્ય, પૂજા-પાઠ, વૈદ્ય, ચિકિત્સક, તબીબ, અને આ વર્ષે લોકો પર વિશેષ અસર પડશે. આ વર્ષે જાસૂસીના કારનામાઓ પણ સામે આવશે. કેટલાક જૂના રહસ્યો ખુલશે અને ચેપી રોગો વધી શકે છે.
નવું વર્ષ 2023 ઉપાયો
જો તમે વર્ષ 2023ની શરૂઆત ખૂબ જ સારી રીતે કરવા માંગો છો, તો વર્ષના પહેલા દિવસે રવિવાર હોવાથી સવારે વહેલા ઉઠો અને ઉગતા સૂર્યને અર્ઘ્ય ચઢાવો તથા સૂર્યાષ્ટકનો પાઠ કરો. ધન પ્રાપ્તિ માટે કનકધારા સ્તોત્રનો પાઠ કરો અને મા મહાલક્ષ્મીની પ્રસન્નતા માટે શ્રીસૂક્તનો પણ પાઠ કરો. સૌથી મહત્વની વાત એ છે કે સવારે વહેલા ઉઠીને પૃથ્વી માતાના ચરણ સ્પર્શ કર્યા પછી તમારા માતા અને પિતાના ચરણ સ્પર્શ કરો. આ સાથે તમારી આર્થિક સમૃદ્ધિ પણ આખા વર્ષ દરમિયાન જળવાઈ રહેશે અને તમને જીવનમાં સફળતા મળશે.