Mahindra Thar Armada: દેશની અગ્રણી કાર મેન્યુફેક્ચરિંગ કંપની મહિન્દ્રા ટૂંક સમયમાં દેશમાં તેની નવી 5 ડોર કાર 'થાર' ને લોન્ચ કરવા જઈ રહી છે. આ સિવાય તેમાં એક પાવરફુલ પાવરટ્રેન પણ જોવા મળશે. મહિન્દ્રા થાર 5 ડોર આર્મડા 15 ઓગસ્ટે દેશમાં લોન્ચ થશે. આ ઑફરોડ કાર યુવાનોને ખૂબ જ પસંદ આવશે. માનવામાં આવે છે કે આ કારનો લુક પણ અનોખો હશે. આ પેહલા થારનું એક મોડેલ ભારતમાં પહલેથીજ ધૂમ મચાવી રહ્યું છે. આ કાર ખાસતો તેના ઓફરોડ એન્જિન અને લુક માટે ભારતમાં આકર્ષણનું કેન્દ્ર બની હતી. અને ખાસ કરીને યુવાનોમાં આ ખૂબ પ્રચલિત થઈ હતી. હવે કંપની આ કારનું બીજું મોડેલ જલ્દી જ લોન્ચ કરવા જય રહી છે.
આ કારમાં શું હશે ખાસ
નવી મહિન્દ્રા થાર આર્મડાને બોક્સી ડિઝાઇન આપવામાં આવશે. આ સિવાય આ કારમાં એક નવું બોનેટ પણ મળશે જે ઓફરોડ માટે એક પાવરફુલ વસ્તુ માનવામાં આવે છે. આ સિવાય આ કારમાં પાંચ સ્પોક એલોય વ્હીલ્સ પણ જોવા મળશે. નવી મહિન્દ્રા આર્મડામાં મોટા ORVM સાથે સંકલિત સ્ટોપ લેમ્પ્સ અને LED ટેલલાઇટ્સ પણ હશે.
તેની સુવિધાઓ ઉત્તમ હશે
હવે નવી Mahindra Armadaના ફીચર્સ વિશે વાત કરીએ તો, આ ઑફરોડ કારમાં નવી 10.25 ઈંચની ટચસ્ક્રીન ઈન્ફોટેનમેન્ટ સિસ્ટમ જોઈ શકાય છે. આગળ અને પાછળના ભાગમાં આર્મરેસ્ટની સાથે સનરૂફ મળવાની પણ શક્યતા છે. એટલું જ નહીં, કારમાં પાછળના વાઇપરની સાથે રિયર એસી વેન્ટ પણ હશે.
શક્તિશાળી પાવરટ્રેન મળશે
મહિન્દ્રાની આ અપકમિંગ ઑફરોડ કારમાં 2.2 લિટર ડીઝલ એન્જિન મળવાની શક્યતા છે. આ એન્જિન મહત્તમ 174 BHP પાવર જનરેટ કરશે. આ સિવાય તેમાં 2.0 લિટર mStallion ટર્બો પેટ્રોલ એન્જિન પણ હશે. આ એન્જિન 201 BHPની મહત્તમ શક્તિ ઉત્પન્ન કરશે. આ સિવાય આ બંને એન્જિનમાં 6-સ્પીડ ઓટોમેટિક અને મેન્યુઅલ ટ્રાન્સમિશનનો વિકલ્પ હશે.
આ કારની કિંમત શું હશે
તમારી જાણકારી માટે તમને જણાવી દઈએ કે મહિન્દ્રાની આ અપકમિંગ ઑફરોડ કારની કિંમત વિશે હાલમાં કોઈ સત્તાવાર માહિતી શેર કરવામાં આવી નથી. પરંતુ અનુમાન લગાવવામાં આવી રહ્યું છે કે કંપની તેને 15 લાખ રૂપિયા સુધીની એક્સ-શોરૂમ કિંમતે માર્કેટમાં લોન્ચ કરી શકે છે. તે જ સમયે, તે મારુતિ સુઝુકી જિમ્ની ઑફરોડ કારને સખત સ્પર્ધા આપી શકે છે.
Car loan Information:
Calculate Car Loan EMI