મારુતિ સુઝુકી (Maruti Suzuki) એ માર્કેટમાં નવી Dzire Tour S સેડાન કાર લોન્ચ કરી છે. આકર્ષક લૂક અને શાનદાર એન્જિન સાથે આ કારને પેટ્રોલ એન્જિન સાથે કંપની ફિટિંગ CNG કિટ સાથે લોન્ચ કરવામાં આવી છે. આ કારની શરુઆતની કિંમત 6.51 લાખ રૂપિયા અને Dzire Tour S ટોપ વેરિઅન્ટની કિંમત 7.36 લાખ રૂપિયા (એક્સ-શોરૂમ) નક્કી કરવામાં આવી છે. આ નવા મોડલે અગાઉની સેકન્ડ જનરેશન ટૂઅર-એસને રિપ્લેસ કરી છે. નવી મારુતિ ડિઝાયર ટૂઅર-એસએ કંપનીના એરિના અને કોમર્શિયલ ડીલરશિપ દ્વારા વેચાતી અર્ટિંગા (ટૂઅર એમ) અને વેગન આર (ટૂઅર એચ3)ને જોઈન કર્યું છે. નવી Maruti Tour S કંપનીની ડિઝાયર થર્ડ જનરેશન મોડલ પર બેસ્ડ છે. આ સેડાન કારમાં કંપનીના કેટલાક ખાસ સેફ્ટી ફીચર્સને પણ સ્થાન આપવામાં આવ્યું છે, જે તેને વધુ ખાસ બનાવે છે.
Dzire Tour S
નવી Dzire Tour S ત્રણ કલર ઓપ્શનમાં મળે છે- આર્કટિક વ્હાઇટ, મિડનાઇટ બ્લેક અને સિલ્કી સિલ્વરમાં ઉપલબ્ધ છે. નવી કાર મોટાભાગે ડિઝાઈનના મામલે વર્તમાન ડિઝાયર સેડાન જેવી જ છે, જોકે તેમાં કેટલાક મુખ્ય તફાવતો જોવા મળી રહ્યા છે, જેમ કે સ્ટીલ વ્હીલ્સ, બ્લેક ડોર હેન્ડલ્સ, મિરર કેપ્સ અને ટેલગેટ પર 'ટૂર એસ' બેજિંગ જેવા ફેરફાર છે. આ સિવાય બહારની બધી વસ્તુઓ મારુતિ ડિઝાયર જેવી જ છે.
Maruti Tour Sમાં LED ટેલ લાઈટ્સ આપી
ફીચર્સ તરીકે કંપનીએ Maruti Tour Sમાં LED ટેલ લાઈટ્સ આપી છે, આ સિવાય મેન્યુઅલ એર કંડીશન, સ્પીડ સેન્સિંગ ડોર લોક વગેરે આ કારને વધુ સારી બનાવે છે. આ કારમાં સુરક્ષાનું પણ ધ્યાન રાખવામાં આવ્યું છે, તેથી તેમાં ઈલેક્ટ્રોનિક સ્ટેબિલિટી પ્રોગ્રામ (ESP), એન્ટી લોક બ્રેકિંગ સિસ્ટમ (ABS), ડ્યુઅલ એરબેગ્સ અને બાળકો માટે ISOFIX ચાઈલ્ડ સીટ એન્કર્સ આપવામાં આવ્યા છે.
1.2-લીટર ક્ષમતાનું K-સિરીઝ એન્જિનનો ઉપયોગ કર્યો
પાવર અને પરફોર્મન્સઃ નવી Dzire Tour Sમાં કંપનીએ 1.2-લીટર ક્ષમતાનું K-સિરીઝ એન્જિનનો ઉપયોગ કર્યો છે, જે પેટ્રોલ મોડમાં 90hpનો પાવર અને 113Nm ટોર્ક જનરેટ કરે છે. જ્યારે CNG મોડમાં આ એન્જિન 77hp નો પાવર અને 98.5Nm ટોર્ક જનરેટ કરે છે. કંપનીનો દાવો છે કે આ કાર પેટ્રોલ મોડમાં 23.15 કિમી પ્રતિ લીટર અને સીએનજી મોડમાં 32.12 કિમી પ્રતિ કિલોની માઈલેજ આપે છે. મારુતિ સુઝુકીનું કહેવું છે કે નવી ટૂર એસ અગાઉના મોડલ કરતાં CNG મોડમાં 21 ટકા વધુ માઇલેજ આપે છે.
Car loan Information:
Calculate Car Loan EMI