'હલવા સેરેમની' સાથે જ શરૂ થઈ બજેટ 2017 પ્રક્રિયા, નજરબંધ થયા 100 અઘિકારીઓ

તેના પછી બજેટ પ્રિન્ટ કરવાનું શરૂ થાય છે. હલવો એક મોટી કડાઇમાં બનાવવામાં આવે છે. નાણાં મંત્રાલયના સ્ટાફ વચ્ચે જ આ હલવો વહેંચવામાં આવે છે. આ વિધિને બજેટ પ્રક્રિયાની ગુપ્તતા જાળવી રાખવાની એક રીત તરીકે પણ જોવાય છે.

આ વિધિ પછી બજેટના ભાષણ સુધી નાણાં મંત્રાલયના 100થી વધુ અધિકારીઓ મિનિસ્ટ્રીના પ્રિન્ટિંગ પ્રેસમાં જ રહેશે. નાણા પ્રધાનનું ભાષણ પૂરુ થાય ત્યાં સુધી ફાઇનાન્સ મિનિસ્ટ્રીનો સ્ટાફ અને અધિકારીઓને તેમના પરિવારો સાથે મળવાની કે વાતચીત કરવાની મંજૂરી નથી હોતી.

આ ઉપરાંત, સ્ટાફ ઇમેલ, ફોન અને કોમ્યુનિકેશનના અન્ય સાધનો કે રીતનો ઉપયોગ કરી શકતા નથી. માત્ર કેટલાક સીનિયર અધિકારીઓને જ ઘેર જવાની પરવાનગી મળે છે.

ભારતીય પરંપરામાં કોઇ શુભ કાર્યની શરૂઆત મીઠાશથી થાય છે. આ જૂની પરંપરા છે જે બજેટના કાગળોનું પ્રિન્ટિંગ શરૂ કરવા માટે ચાલતી આવી છે. હલવા વિધિ બજેટ સંબંધિત પ્રક્રિયાનું આખરી પરંતુ મહત્ત્વનું પગલું છે.

નવી દિલ્હીઃ બજેટ 2017-18ના દસ્તાવેજોના પ્રિન્ટિંગની પ્રક્રિયા ગુરુવારે હલવા સેરેમની સાથે શરૂ થઈ ગઈ. નાણાં પ્રધાન અરૂણ જેટલીએ આ સેરેમનીમાં નાણાં મંત્રાલયના અધિકારીઓને હલવો ખવડાવીને બજેટની પ્રક્રિયાની શરૂઆત કરાવી. આ અવસર પર મંત્રાલયના તમામ ઉચ્ચ અધિકારીઓ અને કર્મચારી હાજર હતા. જેટલી 1 ફેબ્રુઆરીના રોજ બજેટ રજૂ કરશે. બજેટ રજૂ થશે ત્યાં સુધી 100થી વધારે અધિકારીઓ પ્રિન્ટિંગ પ્રેસની અંદર જ રહેશે. મોદી સરકારનું આ ત્રીજું સંપૂર્ણ બજેટ હશે.