જાણો, GST સ્લેબથી સામાન્ય વ્યક્તિને શું ફાયદો અને શું નુકસાન થશે
જીએસટીમાં એ સારી વાત એ છે કે, કેન્દ્ર અને રાજ્ય સરકાર જીએસટી સ્ટ્રક્ચર પર સહમત થઈ ગયા છે. પરંતુ 28 ટકા ટેક્સ આશ્ચર્યજનક છે. સેસ વસુલવાની જોગવાઈ સંપૂર્ણ રીતે જીએસટીને તોડવા-મરોડવાનો પ્રયત્ન કરવા જેવો છે. માટે સૌથી મહત્ત્વપૂર્ણ પગલું એ છે કે હવે સ્લેબ અનુસાર પ્રોડક્ટ્સનું વર્ગીકરણ કરવામાં આવે.
નિષ્ણાંતોના જણાવ્યા અનુસાર, જીએસટી સ્લેબ તૈયાર માટે ચાર રેટ નક્કી કરવામાં આવ્યા છે તે સારી શરૂઆત છે. પરંતુ હવે સંપૂર્ણ ધ્યાન આ સ્લેબ્સ અંત્રગત પ્રોડક્ટ્સની કેટેગરી પાડવા પર થવું જોઈએ. આ એટલા માટે જરૂરી છે કારણ કે કેટલીક પ્રોડક્ટ્સને પહેલા લક્ઝરી ગણવામાં આવતી હતી તેમાંથી આજે કેટલીક પ્રોડક્ટ્સ એવી પણ જે રોજીંદા જીવનનનો એક ભાગ બની ગઈ છે.
28 % ટેક્સ : કાર,ટીવી, ફ્રિજ, વોશિંગ મશીન વગેરે પર 28 % રેટ લાગુ પડશે. અત્યારે તેના પર 30થી 31 ટકા (એક્સાઇજ વેટનો સમાવેશ કરીને) સુધી ટેક્સ લાગે છે. કાર પર તો 37% ટેક્સ લાગે છે. આ સ્લેબને કારણે હવે શોખ મોંઘા પડશે.
18% ટેક્સ: સર્વિસટેક્સ 15% થી 18% કરાશે. સાબુ, તેલ, શેવિંગ સ્ટિક, ટુથપેસ્ટ, ઘડિયાળ, વાસણ, ફર્નીચર, માર્બલ જેવો સામાન પણ આમા આવી શકે છે. અત્યારે તેના પર 30-31 ટકા ટેક્સ છે. સર્વિટેક્સ વધવાને કારણે સામાન્ય વ્યક્તિને નુકસાન થઈ શકે છે.
5 % ટેક્સ: સામાન્ય લોકોને સામાન્ય વસ્તુઓના ઉપયોગ પર 5 ટકા ટેક્સ લાગશે. તેમા પ્રોસ્સ્ડ ફુડ સામેલ થઇ શકે છે. જોકે સોના પર 4 ટકા ટેક્સનો પ્રસ્તાવ છે. પરંતુ તેના પર નિર્ણય થવાનો બાકી છે. 12 % ટેક્સ: નાણાંમંત્રી જેટલીના જણાવ્યા અનુસાર 12 ટકા સ્ટાન્ડર્ડ રેટ હશે. વાયરિંગ નેટવર્કિંગના સામાન કોમ્પ્યુટર, લેપટોપ મોબાઇલ હેન્ડસેટ જેવા સામાનનો સમાવેશ થઇ શકે છે.
સામાન્ય વ્યક્તિને રોજીંદી જરૂરિયાત માટે ઉપયોગમાં લેવામાં આવતી વસ્તુ પર 6ની જગ્યાએ 5 ટકા ટેક્સ લગાવવાથી ફાયદો થશે. જોકે અહીં જોવાનું એ રહેશે કે સરકારે રોજીંદી જરૂરિયાતની કેટેગરીમાં કઈ કઈ વસ્તુઓને સામેલ કરી છે. માટે જરૂરી છે કે હવે આ કેટેગરીમાં સામેલ વસ્તુઓની યાદી તૈયાર કરી લેવામાં આવે.
જીએસટી કાઉન્સિલ તરફથી મંજૂર કરવામાં આવેલ ટેક્સના દરને લઈને નિષ્ણાંતોનું કહેવું છે કે, આ 4 સ્તર જીએસટી સ્લેબ ધારણા અનુસાર છે. કાન્સિલે લક્ઝરી કાર, તમ્બાકુ અને કાર્બોરેટેડ ડ્રિંક્સ પર વધુમાં વધુ ટેક્સની ભલામણ કરી છે. જેના કારણે આ ઉદ્યોગને વધારે મુશ્કેલીનો સામનો કરવો પડશે. પરંતુ સામાન્ય વ્યક્તિની નજરથી જોઈએ તો મંજૂર કરવામાં આવેલ ટેક્સ સ્લેબ સામાન્ય છે.