હવે માત્ર 2 રૂપિયામાં મળશે મોબાઈલ ઇન્ટરનેટ, સાર્વજનિક wi-fi હોટસ્પોટ માટે TRAIએ કંપનીઓને આમંત્રિત કરી

આ પ્રોજેક્ટનો હેતું વાઇ-ફાઇ એક્સેસ નેટવર્ક ઇંટરફેસ (WANI) પર આધારિત ઓપન સિસ્ટમ તૈયાર કરવાની છે, તેના માટે આરજીકર્તાઓ પાસેથી સૂચનો લેવાશે. TRAI બે-ત્રણ દિવસમાં WANI આર્કિટેકચર ડોક્યુમેન્ટ રજૂ કરવા જઇ રહ્યું છે. આ સિસ્ટમથી નાની-નાની દુકાનો પર પણ કંપનીઓ આવા POD બનાવી શકે છે. તેના માટે કોઇ લાઇસન્સની જરૂર તો પડશે નહીં પરંતુ ટેલિકોમ વિભાગની પાસે રજીસ્ટ્રેશન અને યુઝર્સનું e-KYC લેવું જરૂરી હશે.

TRAIનું માનવું છે કે આનાથી ભારતાના લોકોને ઇન્ટરનેટ સસ્તામાં અને સરળતાથી ઉપબબ્ધ થશે અને નેટવર્ક પરથી લોડ પણ ઓછો થશે. આ સુવિધા ઉભી કરવાથી એક એરિયામાં ટાવરોની સંખ્યાને પણ મર્યાદિત કરી શકાશે. આ પાયલોટ પ્રોજેક્ટમાં ભાગ લેવા માટે કંપનીઓને 25મી જુલાઈ સુધીમાં પોતાની ડિટેલ્સ મોકલવાની રહેશે. આ પ્રોજેક્ટ બાદ ભારતમાં વાઇ-ફાઇ હૉટસ્પોટની સંખ્યા 31000 થઇ જશે, જ્યારે અમેરિકામાં તેની સંખ્યા કુલ 10 મિલિયન અને ફ્રાન્સમાં 13 મિલિયન છે.

નવી દિલ્હીઃ દેશમાં ટૂંકમાં જ મોબાઈ ફોન યૂઝર્સને માત્ર શરૂઆતમાં 2 રૂપિયાની સામાન્ય રકમ પર મોબાઈલ ઇન્ટરનેટ ઉપલબ્ધ થશે. ટેલીકોમ નિયામક ટ્રાઈ (ભારતીય ટેલીકોમ વિનિયામક પ્રાધિકરણ)એ દેશભરમાં સાર્વજનિક wi-fi હોટસ્ટોપ સ્થાપિત કરવાની યોજના બનાવી છે. છેવાડા સુધી ઇન્ટરનેટ પહોંચાડવાની આ પાયલોટ પ્રોજેક્ટ માટે પ્રાઈવેટ કંપનીઓને આમંત્રિત કરવામાં આવી છે. આ હોટપ્સોટના માધ્યમથી 2 રૂપિયાની શરૂઆતની કિંમત પર વાઈ-ફાઈ સુવિધા ઉપલબ્ધ કરાવવામાં આવશે.

આ વાઇ-ફાઇ હૉટસ્પોટને પબ્લિક ડેટા ઑફિસ (PDO)ના નામથી ઓળખાશે. આ PDO ભારતને ફોનથી જોડતા પીસીઓ બુથની જેવા હશે. શરૂઆતમાં 2 રૂપિયાથી લઇને 20 રૂપિયા સુધીના પ્લાન્સ રખાશે. તેનો ઉપયોગ કરવા માટે યુઝર્સે પોતાના KYC અને વન ટાઇમ પાસવર્ડનો ઉપયોગ કરવો પડશે.