Ahmedabad: અમદાવાદની સૌ પ્રથમ મહિલા ડ્રગ્સ ડીલરની ધરપકડમાં શું થયો મોટો ખુલાસો ? જાણીને ચોંકી જશો

Ahmedabad Crime News: અમદાવાદ SOG ક્રાઇમ બ્રાંચે MD ડ્રગ્સના જથ્થા સાથે મહિલા ડ્રગ્સ ડીલરની ધરપકડ કરી હતી જેની પૂછપરછમાં ચોંકાવનારા ખુલાસા થયા

Ahmedababad News: ગુજરાતના દરિયાકાંઠેથી મોટા પાયે ડ્રગ્સ પકડાયું હતું અને છેલ્લા થોડા સમયમાં રાજ્યમાં ડ્રગ્સની ફેક્ટરી પણ ઝડપાઈ છે. પોલીસની સતર્કતાથી દરિયાકાંઠેથી ડ્રગ્સ રાજ્યમાં ઘૂસે તે પહેલા જ પકડી પાડવામાં આવે છે. રાજ્યમાં ડ્રગ્સના દૂષણને નાથવા માટે પોલીસ દ્વારા સક્રિય કામગીરી કરવામાં આવી રહી છે. જેના ભાગ રૂપે અમદાવાદમાં મહિલા ડ્રગ્સ ડીલરની ધકપકડ કરવામાં આવી. જેની પૂછપરછમાં મોટા ખુલાસા થયા છે. 

કાલુપુરમાંથી ઝડપાઈ મહિલા ડ્રગ્સ ડીલર

અમદાવાદમાં  SOG ક્રાઈમ બ્રાંચે MD ડ્રગ્સ સાથે મહિલા અને તેના સાગરિતની ધરપકડ કરવામાં આવી હતી. અમદાવાદ SOG ક્રાઇમ બ્રાંચ દ્વારા આ ઘટનામાં કુખ્યાત  અમીનાબાનુ અને તેના સાગરીતોને કાલુપુર વિસ્તારમાંથી ઝડપી લેવામાં આવ્યા હતા.  જે અમીના બાનુ ડી ગેંગ સાથે ઘરેબો ધરાવતી હોવાનો ખુલાસો થયો છે.  

પહેલા કરતી હતી દારૂનો ધંધો

અમીના બાનું મુંબઇના ઘણા ડ્રગ્સ માફિયાઓ સાથે પણ સંપર્ક હોવાનો પણ ખુલાસો થયો છે.  છેલ્લા બે વર્ષથી તે  ડ્રગ્સના ધંધામાં ફરીથી એક્ટિવ થઇ હતી.  ડ્રગ્સ લેનારા લોકો અમીના બાનુ સાથે કોડવર્ડમાં વાત કરતા હતા.  અઢી અને પાંચ જેવા શબ્દોનો ગ્રાહકો ઉપયોગ કરતા હતા. જો કે તે 1980થી 1990 દરમિયાન અમીના દારૂનો ધંધો કરતી હતી. 

અમદાવાદની પ્રથમ મહિલા ડ્રગ્સ ડીલર

ઉલ્લેખનીય છે કે  અગાઉ બ્રાઉન સુગરના કેસમાં અમીના બાનુ 10 વર્ષની સજા ભોગવી ચૂકી છે. પોલીસે બાતમીને આધારે  અમીના બાનુ તથા તેના સાગરિતોની  ધરપકડ કરી હતી. અમીના બાનુ ડોન લતીફના સમયથી દારૂનો ધંધો કરતી હતી. અમીના બાનુ અમદાવાદની સૌથી પહેલી મહિલા ડ્રગ્સ ડિલર છે અને 100 જેટલા  ડ્રગ્સ પેડલરોની ચેઈન ધરાવે છે.

બ્યુટીપાર્લર જવાનું કહીને ઘરેથી નીકળ્યા બાદ ગુમ થયેલી યુવતીને દામનગર પોલીસે શોધી

દામનગર પોલીસ સ્ટેશનનની ટીમ નાઇટ પેટ્રોલિંગમાં હતી ત્યારે ધામેલ ગામના બસ સ્ટેશન પાસે એક અજાણી મહિલા બેઠેલી જોવા મળી હતી. જેની શંકાના આધારે પૂછપરછ કરતાં તેણે પોતાનું નામ પાયલબેન બાબુભાઈ પરમાર (ઉ.વ.20) રહેઃ જુના વાઘણીયા, તા બગસરા અને હાલ સુરત રહેતી હોવાનું જણાવ્યું હતું. યુવતી થોડા દિવસ પહેલા ઘરેથી બ્યુટી પાર્લરમાં જાવ છું તેમ કહીને નીકળી હતી. સુરતના અમરોલી પોલીસ સ્ટેશનમાં યુવતી ગુમ થઈ હોવાની નોંધાયેલી ફરિયાદના કારણે દામનગર પોલીસે જરૂરી કાર્યવાગી કરી અમરોલી પોલીસને આ અંગે જાણ કરી હતી. આ કામગીરી દામનગર પોલીસ સ્ટેશનના સબ ઈન્સ્પેક્ટર એ.આર.છોવાળાની રાહબરી નીચે  દામનગર પોલીસ સ્ટેસનના એ.એસ.આઈ પી.આર.દેશાણી, મહિલા પોલીસ કોન્સ્ટેબલ નીતાબેન ગંગજીભાઈ રાઠોડ તથા સર્વેલન્સ ટીમના પોલીસ કોન્સ્ટેબલ વિક્રમભાઈ પોપટભાઈ રાઠોડે કરી હતી.

આ પણ વાંચોઃ