Mumbai Crime News: મુંબઈ ક્રાઈમ બ્રાન્ચે મોટી કાર્યવાહી કરતા કોલ સેન્ટરનો પર્દાફાશ કર્યો છે. અહીંથી ક્રાઈમ બ્રાન્ચના યુનિટ-11એ 17 મહિલાઓને બચાવી છે અને કોલ સેન્ટરના માલિકની ધરપકડ કરી છે.મળતી માહિતી મુજબ આ કોલ સેન્ટરમાં મહિલાઓ દ્વારા ઓનલાઈન વાંધાજનક કામ કરવામાં આવે છે. આ વાંધાજનક કામ ફોન કોલ્સ કે વીડિયો દ્વારા કરવામાં આવ્યું હતું. આરોપીએ એક એપ્લીકેશન બનાવી હતી જેના દ્વારા તે ગ્રાહકોને તેના કોલ સેન્ટરમાં કામ કરતી મહિલાઓ સાથે જોડતો હતો અને ત્યારબાદ કોલરની માંગણી મુજબ ફોન કોલ કે વીડિયો પર વાંધાજનક કામ કરાવતો હતો.
આ રીતે ગ્રાહકો પાસેથી ચાર્જ વસૂલવામાં આવ્યો હતો
કહેવાય છે કે અહીં આ કામની કિંમત 270 રૂપિયાથી શરૂ થઈને 10,000 રૂપિયા સુધી લેવામાં આવતી હતી. આ કેસમાં આરોપીઓ વસૂલાત કરતા હતા કે કેમ તે અંગે પણ ક્રાઈમ બ્રાન્ચ તપાસ કરી રહી છે. સૂત્રોએ જણાવ્યું કે કેટલીક મહિલાઓ અભ્યાસ પણ કરે છે અને આરોપીઓ તેમને સારી આવક માટે આવા કામ કરાવતા હતા.
આ મહિને ક્રાઈમ બ્રાન્ચે વધુ એક મોટી કાર્યવાહી કરી
આ મહિનાની શરૂઆતમાં મુંબઈ પોલીસે નવી મુંબઈમાં દરોડા દરમિયાન કથિત રીતે વેશ્યાવૃત્તિમાં ધકેલાયેલી 17 મહિલાઓને બચાવી હતી અને પિમ્પ્સ તરીકે કામ કરવા બદલ 9 લોકોની ધરપકડ કરી હતી. એક અધિકારીના જણાવ્યા અનુસાર, મુંબઈ પોલીસના એન્ટી હ્યુમન ટ્રાફિકિંગ યુનિટ (એએચટીયુ) દ્વારા 5 ઓગસ્ટના રોજ આ ઓપરેશન હાથ ધરવામાં આવ્યું હતું. અધિકારીએ જણાવ્યું હતું કે, "માનવ તસ્કરીના રેકેટમાં સંડોવાયેલા રાજુ અને સાહિલ નામના બે લોકો સામે 4 ઓગસ્ટે એક મહિલા દ્વારા ફરિયાદ દાખલ કરવામાં આવ્યા બાદ આ કાર્યવાહી કરવામાં આવી હતી."
આ પણ વાંચોઃ
Pink Bollworm: કપાસના પાકમાં ગુલાબી ઈયળ આવવાની થઈ શરૂઆત, આ રીતે કરો નિયંત્રણ
Hartalika Teej 2022: આજે છે હરતાલિકા ત્રીજનું વ્રત, મહિલાઓ ન કરે આ ભૂલો નહીંતર.......
મુંબઈમાં લેન્ડ કરતાં જ કમાલ આર ખાનની ધરપકડ, જાણો શું છે મામલો
GSET 2022 Registration: GSET 2022 માટે રજિસ્ટ્રેશન થયું શરૂ, જાણો પરીક્ષા સંબંધિત તમામ વિગત
India Corona Cases Today: કોરોના વિદાય ભણી ? જાણો આજે માત્ર કેટલા કેસ નોંધાયા