Pariksha Pe Charcha 2023 Live: પરીક્ષા પે ચર્ચા દરમિયાન પીએમ મોદીએ વિદ્યાર્થીઓના માતાપિતાને શું આપી સલાહ ?
Pariksha Pe Charcha 2023: ગયા વર્ષની સરખામણીમાં આ વખતે પીએમ નરેન્દ્ર મોદીના માસ્ટર ક્લાસ માટે રજિસ્ટ્રેશન બમણું થયું છે.
આજે પણ આપણો વિદ્યાર્થી તેના શિક્ષકના શબ્દોને ખૂબ મૂલ્યવાન માને છે. લાકડી વડે અનુશાસનનો માર્ગ પસંદ કરવાને બદલે સ્વભાવનો માર્ગ પસંદ કરવો જોઈએ. જો આપણે આત્મીયતાનો માર્ગ પસંદ કરીશું તો જ ફાયદો થશે.
અમારા શિક્ષકો વિદ્યાર્થીઓ સાથેનો લગાવ જેટલો વધારશે તેટલું સારું રહેશે. જ્યારે કોઈ વિદ્યાર્થી તમને પ્રશ્ન કરે છે, ત્યારે તેનો હેતુ તમારા જ્ઞાનની ચકાસણી કરવાનો નથી. વિદ્યાર્થીની જિજ્ઞાસા તેમની સૌથી મોટી સંપત્તિ છે.
PM મોદીએ કહ્યું વિશ્વની સૌથી જૂની ભાષા ધરાવનાર દેશને ગર્વ હોવો જોઈએ. યુએનમાં મેં તમિલ ભાષાને લગતી કેટલીક બાબતો જાણીજોઈને કહી કારણ કે હું દુનિયાને બતાવવા માંગતો હતો કે આપણી પાસે વિશ્વની સૌથી જૂની ભાષા છે.
આપણે દિવસ-રાત સ્પર્ધાની ભાવનામાં જીવીએ છીએ. ચાલો આપણા માટે જીવીએ. તમારામાં જીવો. તમારા પ્રિયજનો પાસેથી શીખીને જીવો. દરેકને શીખવાની જરૂર છે, પરંતુ તમારી આંતરિક ક્ષમતા પર પણ ભાર મૂકવો જોઈએ. એક પરીક્ષાને કારણે જીવન એક સ્ટેશન પર અટકતું નથી
પીએમ મોદીએ કહ્યું, પહેલા નક્કી કરો આપ સ્માર્ટ છો કે પછી ગેઝેટ સ્માર્ટ છે. ગેઝેટનો યોગ્ય ઉપયોગ કરવો જરૂરી છે. ભારતીય સરેરાશ છ કલાક સ્ક્રીન પર વીતાવે છે. આ પ્રકારે ગેઝેટ આપણને ગુલામ બનાવી દે છે. આપણે ગેઝેટના ગુલામ બનીને જીવવું ન જોઈએ. જે કામનું છે તેટલા સુધી જ સીમિત રહેવું જોઈએ. ક્ષમતા ગુમાવ્યા વગર ક્ષમતા વધારવી તે દિશામાં પ્રયત્ન કરો.
પીએમ મોદીએ કહ્યું, સમૃદ્ધ લોકશાહી માટે આલોચના એક શુદ્ધીયજ્ઞ છે. આલોચના સમૃદ્ધ લોકશાહીની પૂર્વ શરત છે. આલોચના કરનાર કોણ છે તે મહત્વાનો મુદ્દો છે અને કોણ છે તે સમજવું જરૂરી છે. પોતાની આલોચના કરે છે તો તેને તમે પોઝિટિવ રીતે લો. આલોચના કરનારાઓથી દુર રહો. ઘરમાં આલોચના થતી નથી. આલોચના કરવા માટે માતા-પિતાએ ખૂબ જ અભ્યાસ કરવો પડે છે. તમામ પાસાઓનો માતાપિતાએ અભ્યાસ કરવો પડે છે. બાળકોને ટોકવા તે આલોચના નથી. માતાપિતાએ બાળકોને ટોકવા ન જોઈએ. બાળકોએ પોતાનું ફોક્સ ન છોડવું જોઈએ. આલોચના કરવા માટે ખૂબ જ મહેનત અને અધ્યયન કરવું પડે છે. વધુ પડતા લોકો આરોપ લગાવે છે, આલોચના નહીં. આરોપ અને આલોચન વચ્ચે ખૂબ જ મોટી ખીણ છે.
પીએમ મોદીએ કહ્યું, કોઈએ પણ પોતાને તિસમારખા સમજવાની જરૂર નથી. દરેક માતાપિતાએ પોતાના બાળકોમાં હિન ભાવના ઉભી ન થવા દેવી જોઈએ. સામાન્ય વ્યક્તિ અસામાન્ય કામ કરે છે ત્યારે નવી ઊંચાઈ પર પહોંચે છે. દરેકને પોતાની ક્ષમતા જાણવી જરૂરી છે. માતા-પિતાએ બાળકોનું યોગ્ય મૂલ્યાંકન કરવું જોઈએ. જ્ઞાનનો પ્રવાહ વહેંચનારા ગલીએ ગલીએ ઉપસ્થિત છે.
પીએમ મોદીએ સ્માર્ટલી હાર્ડ વર્ક કરવું જરૂરી છે. કેટલાક લોકો હાર્ડ વર્ક કરે છે, કેટલાક લોકો સ્માર્ટ વર્ક કરે છે. પ્રથમ તો કામને ઝીવણટથી સમજવું જરૂરી છે.
તમારી અંદર જુઓ. આત્મનિરીક્ષણ તમારે તમારી ક્ષમતાઓ, તમારી આકાંક્ષાઓ, તમારા લક્ષ્યોને ઓળખવા જોઈએ અને પછી અન્ય લોકો તમારી પાસેથી જે અપેક્ષાઓ રાખે છે તેની સાથે તેમને સંરેખિત કરવાનો પ્રયાસ કરો.- PM મોદી, પરિક્ષા પે ચર્ચામાં
પીએમ મોદીએ કહ્યુ, અત્યારે તો વિદ્યાર્થીઓ ચોરી કરવાની વાત ગર્વથી કરે છે. પરીક્ષામાં ચોરી કરવી સારી બાબત નથી. કેટલાક ટ્યુશન ક્લાસિસ નકલને વધુ મહત્વ આપે છે. નકલ કરનારા ખૂબ જ ક્રિએટીવ હોય છે, કેટલા લોકો નકલ કરવાના રસ્તાઓ શોધે છે. મહેનતું વિદ્યાર્થીઓને દુખ થાય છે. ચોરી કરનાર એક-બે પરીક્ષામાં પાસ થઈ શકે, પરંતુ જીંદગી ન બની શકે, ચોરીથી મેળવેલા માર્ક પર ક્યારેક તો સવાલ ઉઠે છે. મહેનત કરનારની મહેનત જીંદગીમાં રંગ લાવે છે. ચોરી કરનાર વ્યક્તિ ક્યારેક સફળ થાય પણ મહેનતનું ફળ કોઈ ન લઈ શકે. પરીક્ષા તો આવે ને જાય, આપણ જીંદગી જીવવી છે. આપણે શોર્ટકર્ટનો રસ્તો ન અપનાવવો જોઈએ.
પીએમ મોદી વિદ્યાર્થીઓને ટિપ્સ આપતાં કહ્યું, સમય પર કામ ન કરવાથી દબાણ વઘે છે. તમને મુશ્કેલ લાગતા વિષયની પ્રથમ તૈયારી કરો. બાદમાં ઓછા મુશ્કેલ લાગતાં વિષયની તૈયારી કરો. તમારી પસંદગીના વિષયની છેલ્લે તૈયારીઓ કરો.
પીએ મોદીએ કહ્યું, કયા વિષયનો કેટલો સમય આપવો તેનું માઇક્રો મેનેજમેન્ટ કરો. દરેક માતાનું ટાઈમ મેનેજમેન્ટ સૌથી પરફેક્ટ હોય છે, સૌથી વધુ કામ માતા કરે છે પણ તેનું ટાઈમ મેનેજમેન્ટ પરફેક્ટ હોય છે.
પરીક્ષા પર ચર્ચા દરમિયાન પીએમ મોદીએ તણાવમુક્ત રહેવાનો પાઠ આપતા કહ્યું કે, તમારી જેમ આપણે પણ આપણા રાજકીય જીવનમાં તેનો ભોગ બનવું પડશે. ચૂંટણીના ઉત્કૃષ્ટ પરિણામો હંમેશા 'વધુ ઉત્તમ' હોવાની અપેક્ષા રાખવામાં આવે છે. તેથી ચિંતા કરશો નહીં, ફક્ત તણાવ મુક્ત અને ખુશ રહેવાની સાથે તમારું શ્રેષ્ઠ આપવાનો પ્રયાસ કરો.
પરીક્ષા પરની ચર્ચા દરમિયાન વડાપ્રધાને વિદ્યાર્થીઓને ટિપ્સ આપતાં કહ્યું કે કાગળ, પેન, પેન્સિલ લો અને જ્યાં તમે તમારો સમય પસાર કરી રહ્યાં છો તેની ડાયરી પર નોંધ લો.
પ્રધાનમંત્રી નરેન્દ્ર મોદીના પરીક્ષા પે ચર્ચા કાર્યક્રમમાં મુખ્યમંત્રી ભુપેન્દ્ર પટેલ વડોદરાના માંજલપુર આત્મીયધામ ખાતેથી કાર્યક્રમમાં જોડાયા હતા. મોટીસંખ્યામાં વિદ્યાર્થીઓ અને શિક્ષકો ઉપસ્થિત રહ્યા.
પીએમ મોદીએ કહ્યું, મને વિદ્યાર્થીઓના મનની વાત જાણવાની તક મળે છે. પરીક્ષા પે ચર્ચા મારા માટે પણ એક પરીક્ષા છે. લાખોની સંખ્યામાં પ્રશ્નો પૂછવામાં આવ્યા છે.
સુરતમાં પણ વિવિધ સ્કૂલોમાં પરીક્ષા પે ચર્ચાનું આયોજન કરાયું છે. ખરવરનગર સ્થિત બચકનિવાલા સ્કૂલમાં પણ આયોજન કરાયું છે. ગુજરાત પ્રદેશ ભાજપ અધ્યક્ષ સી.આર.પાટીલ ઉપસ્થિત રહેશે.
સુઘડની આનંદ નિકેતન સ્કૂલમા ગાંધીનગરનો જિલ્લા કક્ષાનો કાર્યક્રમ યોજાઈ રહ્યો છે. સૂઘડની આનંદ નિકેતન સ્કૂલમાં 500થી વધુ વિદ્યાર્થીઓ પરીક્ષા પે ચર્ચામાં હાજર છે. ગાંધીનગર જિલ્લાના પ્રભારીમંત્રી અને ગૃહરાજ્યમંત્રી હર્ષ સંઘવી પણ હાજર છેે. આ ઉપરાંત ગાંધીનગરના મેયર હિતેશ મકવાણા ,ધારાસભ્યો તેમજ અધિકારીઓ હાજર છે. કાર્યક્રમનો મુખ્ય હેતુ પરીક્ષાનો ભય વિદ્યાર્થીઓનો દૂર થાય તેવો છે.
PM મોદીએ તાલકટોરા સ્ટેડિયમ ખાતે 'પરીક્ષા પે ચર્ચા' કાર્યક્રમ દરમિયાન એક પ્રદર્શનમાં વિદ્યાર્થીઓ સાથે વાર્તાલાપ કર્યો.
'પરીક્ષા પે ચર્ચા' 2023ની 6ઠ્ઠી આવૃત્તિ. PM મોદીની વિદ્યાર્થીઓ, શિક્ષકો અને માતાપિતા સાથેની વાતચીત કરશે. દિલ્હીના તાલકટોરા સ્ટેડિયમમાં સવારે 11 વાગ્યે કાર્યક્રમ શરૂ થશે.
ગયા વર્ષની સરખામણીમાં આ વખતે પીએમ નરેન્દ્ર મોદીના માસ્ટર ક્લાસ માટે રજિસ્ટ્રેશન બમણું થયું છે.
બ્રેકગ્રાઉન્ડ
Pariksha Pe Charcha 2023: વડાપ્રધાન નરેન્દ્ર મોદી આજે વાર્ષિક 'પરીક્ષા પે ચર્ચા' કાર્યક્રમમાં વિદ્યાર્થીઓ, શિક્ષકો અને વાલીઓ સાથે વાતચીત કરશે.
પરિક્ષા પે ચર્ચામાં પીએમ મોદી વિદ્યાર્થીઓ, શિક્ષકો અને વાલીઓ સાથે વાતચીત કરશે અને પરીક્ષાના તણાવને પહોંચી વળવા માટે મંત્ર આપશે. પીએમ તણાવ અને પરીક્ષાના ડરને હરાવવા અને ઇન્ટરેક્ટિવ સત્ર દરમિયાન પરીક્ષાને તહેવારની જેમ ઉજવવા માટેની ટીપ્સ શેર કરે છે.
અંતિમ સમયે બોર્ડની પરીક્ષાની તૈયારી કરવાની આ છે રીત, સારા માર્ક્સ લાવવા અપનાવો આ ટિપ્સ
જેમ જેમ બોર્ડની પરીક્ષાનો સમય નજીક આવે છે તેમ તેમ વિદ્યાર્થીઓનું ટેન્શન પણ વધવા લાગે છે. જો તમે પણ તે વિદ્યાર્થીઓમાંથી એક છો જે આ વર્ષે બોર્ડની પરીક્ષા આપવા જઈ રહ્યા છે, તો પરીક્ષાની તૈયારી માટે અહીં કેટલીક ખાસ ટિપ્સ આપી છે. બોર્ડની પરીક્ષા અને સામાન્ય પરીક્ષાની તૈયારી કરવાની રીતમાં તફાવત છે.
નિષ્ણાતો શું કહે છે
નિષ્ણાતો કહે છે કે બોર્ડની પરીક્ષાની તૈયારીની અલગ પેટર્ન હોવી જોઈએ. બોર્ડની પરીક્ષામાં અભ્યાસનો અવકાશ અન્ય કરતા વધુ છે. બોર્ડ સિવાય બાકીના વર્ગોની પરીક્ષા માટે પરીક્ષાર્થીઓએ તે પુસ્તકોમાંથી જ વાંચવાનું રહેશે જે શાળાઓમાં ભણાવવામાં આવે છે. બોર્ડની શરૂઆતથી જ વિદ્યાર્થીઓ બોર્ડની પરીક્ષાના નામે જ ડરવા લાગે છે. નિષ્ણાતોનું કહેવું છે કે વિદ્યાર્થીઓએ કોઈપણ પ્રકારના માનસિક દબાણ સાથે બોર્ડની પરીક્ષાની તૈયારી ન કરવી જોઈએ. બાળકોના માતા-પિતાએ પણ તેમને પ્રોત્સાહિત કરવા જોઈએ.
આ ટિપ્સ ફોલો કરો
- અહીં આપેલી ટિપ્સની મદદથી વિદ્યાર્થીઓ તેમની બોર્ડની પરીક્ષાઓની તૈયારી વધુ સારી રીતે કરી શકે છે.
- બોર્ડની પરીક્ષા પહેલા વિદ્યાર્થીઓએ પાછલા વર્ષના પ્રશ્નપત્રો ઉકેલવા જોઈએ. જેથી કરીને પ્રશ્નોની પેટર્ન સારી રીતે જાણી શકાય.
- વિદ્યાર્થીઓને લાંબા સમય સુધી એક જ વિષયનો અભ્યાસ કર્યા વિના તમામ વિષયો પર સમાન ધ્યાન આપવાની સલાહ આપવામાં આવે છે.
- અભ્યાસ કરતી વખતે વિદ્યાર્થીઓએ નોંધની મદદથી તૈયારી કરવી જોઈએ. આ રિવિઝનમાં મદદ કરે છે.
- વિદ્યાર્થીઓએ સેમ્પલ પેપર સોલ્વ કરવામાં મહત્તમ સમય ફાળવવો જોઈએ. જેથી પરીક્ષાની પેટર્નની વધુ સારી રીતે સમજણ મેળવી શકાય.
- - - - - - - - - Advertisement - - - - - - - - -