લોરેને કહ્યું કે, સોશિયલ મીડિયા પર હું પોતાને બહુ ખુશ અને લકી દેખાડી રહી હતી. વાસ્તવમાં એવું નથી. અંદરને અંદર જ હું ખુબ દુખી અને પરેશાન હતી. લોરેને જણાવ્યું કે, તે આલ્કોહોલ ડ્રગ્સ અને તેના જેવી તમામ વસ્તુઓમાં પોતાની ખુશી શોધી રહી હતી. તે લગભગ 8 મહિના સુધી લગભગ તમામ જગ્યાઓ પરથી ગાયબ થઈ ગઈ હતી.
જે બાદ લોરેન લોસ એન્જલસ ગઈ અને તેને એક થેરાપિસ્ટ મળી. તેણે કહ્યું કે, હું એવું અનુભવી રહી હતી કે, કોઈક ઊંડા ખાડામાં ફસાઈ ગઈ છે. અને કોઈ તેને બહાર કાઢી રહ્યું નથી. જો કોઈ તેનો ફોટો લેતો તો તેને એવું લાગતું કે તેની પાસેથી તે કાંઈક છીનવી રહ્યો છે. લોરેન બેસબોસ કેપ અને ઈયરફોન લગાવીને કલાકો સુધી આમતેમ ફરતી રહેતી હતી.
લોરેન કલાકો સુધી ફ્લાઈટમાં બેસીને રડ્યા કરતી હતી. પણ જેવી જ તે લોકોની વચ્ચે આવતી ત્યારે તે પોતા ઠીક હોવાનો દેખાડો કરવા લાગતી હતી. લોરેને એ વાત માની કે તે એક પ્રકારની જાળમાં ફસાઈ ગઈ હતી. આ પ્રસિદ્ધિ અને કિસ્મતની બનેલી જાશ હતી, જેમાં હું લાલચી થઈ ગઈ હતી.