કપિલ શર્માના શોમાં હવે જોવા નહીં મળે આ હોટ ‘મેડમ’? એક્ટ્રેસે શું કર્યો ખુલાસો

તાજેતરમાં નેહા ‘એન્ટરટેઈન્મેન્ટ કી રાત’શોમાં જોવા મળી હતી. આ પછી એવી ચર્ચા થઈ હતી કે નેહા કપિલના શોથી દૂર થઈ છે. જ્યારે નેહાને કપિલના શો વિશે પૂછવામાં આવ્યું ત્યારે નેહાએ જણાવ્યું કે,’ઈમાનદારીથી કહું તો મને કોઇ જ આઇડિયા નથી કે આગળ શું થવાનું છે. ખૂબ નિરાશા થાય છે કે અમે ધમાકેદાર શરૂઆત કરી હતી. પરંતુ હું હજુ પણ શોની રાહ જોઈ રહી છું. આશા છે કે ચેનલ મને ટૂંક સમયમાં જ ફોન કરશે અને અમે દર્શકો સામે આવીશું.

જ્યારે નેહાને કપિલના શો વિશે સવાલ કરવામાં આવ્યો તો નેહાએ કહ્યું,’હું કપિલ શર્માને ખૂબ જ પસંદ કરૂં છું. આ સાથે જ ઝાકિર ખાન અને ભારતી સિંહ પણ મારા ફેવરિટ છે. દરેક લોકોની પોતાની એક આગવી સ્ટાઈલ છે. અહિ શીખવા માટે પણ ખૂબ જ છે.’

‘મે આઈ કમ ઈન મેડમ’માં પોતાની નખરાળી અને બોલ્ડ અદાઓથી ફેન્સને ઘાયલ કરનાર નેહાએ વાતચીતમાં જણાવ્યું હતું કે,’ઈમાનદારીથી કહું તો હું ખુશ છું કે રોજ નવું કંઈક શીખી રહી છું. હું એ વાતથી પણ ખુશ છું કે કોમેડી જોનરમાં મેં એન્ટ્રી કરી. જોકે, હું ટાઈપકાસ્ટ નથી. હું હજુ પણ મારા કેરેક્ટર સાથે કંઈક નવું કરવાની કોશિશ કરૂં છું.’

નેહા પેંડસે કપિલ શર્માના શો પછી હવે સોનીના જ અન્ય એક કોમેડી શો ‘એન્ટરટેઈન્મેન્ટ કી રાત’નો ભાગ બની છે. આ શોમાં નેહા સાથે સૌમ્યા ટંડન, આરજે અભિલાષ, બલરાજ અને ચાઈલ્ડ આર્ટિસ્ટ દિવ્યાંશ જેવા અનેક કલાકાર છે.

નવી દિલ્હીઃ એક્ટ્રેસ અને કોમેડિયન નેહા પેન્ડસે કપિલ શર્માના નવા શો ‘ફેમિલી ટાઇમ વિથ કપિલ શર્મા’ના દર્શકોને હસાવતી જોવા મળી હતી. નેહાએ હાલમાં જ આપેલ એક ઇન્ટરવ્યૂમાં પોતાના નવા કોમેડી શો વિશે ખુલીને વાત કરી છે. જ્યારે નેહાને કપિલ શર્માના શો વિશે પૂછવામાં આવ્યું તો નેહાએ કહ્યું કે તેની પાસે એવી કોઈ જાણકારી નથી કે આગળ શું થવાનું છે. ચેનલ તરફતી ફોન કોલની નેહા પણ રાહ જોઈ રહી છે.