Rashmika Mandanna RCB IPL 2023: ઇન્ડિયન પ્રીમિયર લીગની આજે 43મી મેચ રમાશે, આજે ફરી એકવાર આઇપીએલમાં લખનઉ સુપર જાયન્ટ્સ અને રૉયલ ચેલેન્જર્સ બેંગ્લૉર વચ્ચે જંગ જામશે. આ મેચમાં વિરાટ કોહલી અને કેએલ રાહુલની આગેવાની હેઠળની ટીમો આમને-સામને ટકરાશે. આ પહેલા અભિનેત્રી રશ્મિકા મંદાનાએ પોતાની ફેવરિટ આઈપીએલ ટીમ અને ખેલાડીનું નામ આપ્યું છે. રશ્મિકાએ કહ્યું કે- તે RCBની ફેન છે, રશ્મિકાએ આનું કારણ પણ આપ્યું છે. હાલમાં ટ્વીટર પર રશ્મિકાનો એક વીડિયો શેર કરવામાં આવી રહ્યો છે. જુઓ આ વીડિયો.....
સ્ટાર સ્પોર્ટ્સ દ્વારા રશ્મિકાના એક વીડિયોને ટ્વીટ કરવામાં આવ્યો છે. આમાં 'પુષ્પા' ગર્લ રશ્મિકા મંદાનાએ RCBને પોતાની ફેવરિટ ટીમ ગણાવી છે. તેને કહ્યું, હું બેંગ્લૉરની છું. હું કર્ણાટકની છું. આ વખતે હું ગ્રાઉન્ડ પર જઈશ અને આરસીબીને રમતા જોઈશ." જ્યારે પુછવામાં આવ્યું કે તમારો ફેવરિટ ખેલાડી કોણ છે, તો તેને જવાબ આપતા કહ્યું, "વિરાટ સર". રશ્મિકા મંદાનાના આ વીડિયોને બહુજ ઓછા સમયમાં હજારો લોકોએ લાઈક કર્યો છે. આ સાથે જ તેના પર ઢગલાબંધ કૉમેન્ટ્સ પણ આવી રહી છે.
ખાસ વાત છે કે, વિરાટ કોહલીએ આ સિઝનમાં શાનદાર ફોર્મમાં ચાલી રહ્યો છે. તેને અત્યાર સુધી કુલ 8 મેચ રમી છે અને આ દરમિયાન તેને 333 રન બનાવ્યા છે. કોહલીએ 5 અડધી સદી ફટકારી છે. તેનો સર્વશ્રેષ્ઠ સ્કૉર અણનમ 82 રનોનો રહ્યો છે. જો RCB વિશે વાત કરવામાં આવે તો, તે હાલમાં પૉઈન્ટ ટેબલમાં છઠ્ઠા સ્થાન પર છે. આરસીબીએ 8માંથી 4 મેચ જીતી છે. વળી, 4 મેચમાં હારનો સામનો કરવો પડ્યો છે. RCBએ છેલ્લી મેચ કોલકાતા નાઈટ રાઈડર્સ સામે રમી હતી. જેમાં તેને 21 રનથી હારનો સામનો કરવો પડ્યો હતો. હવે આજે RCBની ટીમ LSG સામે મેદાનમાં ઉતરશે. આ પહેલા લખનઉ સામે રમાયેલી છેલ્લી મેચમાં બેંગ્લૉરની ટીમને હારનો સામનો કરવો પડ્યો હતો. બેગ્લૉરને લખનઉની ટીમે 1 વિકેટથી હરાવી હતી.