શિલ્પા શેટ્ટીને કેન્દ્ર સરકારના ફિટ ઈન્ડિયન અભિયાન અંતર્ગત બનાવેલી કમિટીમાં તેની પસંદગી કરવામાં આવી છે અને તેની સભ્ય બનાવવામાં આવી છે. આ જાણકારી શિલ્પાએ પોતે ટ્વીટર પર શુક્રવારે શેર કરી હતી.
શિલ્પાએ લખ્યું હતું, મને આ જાણીને ખૂબ જ ખુશી થઈ રહી છે કે વડાપ્રધાન નરેન્દ્ર મોદી દ્વારા શરૂ કરવામાં આવેલા ફિટ ઈન્ડિયા અભિયાનની સલાહકાર સમિતિમાં મારી સભ્ય તરીકે પસંદગી કરવામાં આવી છે.
આશા રાખું છું કે, દરેક ભારતીયોને ફિટ રાખવા માટેના સરળ રસ્તાઓ શોધવા માટે તેમને હું મદદ કરી શકું અને સાથે જ આ અભિયાનને વધુ સફળ બનાવી શકું. શિલ્પાએ આ ટ્વીટમાં PMO ઈન્ડિયા અને રમતગમત મંત્રી કિરણ રીજ્જુને ટેગ કર્યાં છે.