આ ફિલ્મથી તુષાર હિરાનંદાની ડાયરેક્ટર તરીકે ડેબ્યૂ કરી રહ્યા છે. તુષાર ફિલ્મના રાઇટર પણ છે. આ ફિલ્મની કહાની ઉત્તર પ્રદેશના ફીમેલ શૂટર ચંદ્રો અને પ્રકાશી તોમર પર આધારિત છે. ચંદ્રો વિશ્વની સૌથી વયોવૃદ્ધ શૂટર છે. તેની 81 વર્ષીય નણંદ પ્રકાશી તોમર પણ ચંદ્રોને જોઈ શૂટિંગ કરવા લાગી હતી.
પ્રકાશીને રિવોલ્વર દાદી અન ચંદ્રોને શૂટર દાદીના નામે ઓળખવામાં આવે છે. આ બંનેથી પ્રેરિત થઈને અનેક મહિલાઓ પણ તેમની રાઇફલ ક્લબમાં સામેલ થઈ હતી. ફિલ્મમાં ભૂમિ પેડનકર અને તાપસી પન્નૂ બંનેનો રોલ કરતી નજરે પડશે. ફિલ્મમાં ભૂમિ અને તાપસી દેશી અંદાજમાં નજરે પડશે. બંનેની દેશી લુકની તસવીરો પણ સોશિયલ મીડિયા પર ખૂબ વાયરલ થઈ રહી છે. ફિલ્મમાં પ્રકાશ ઝા ચંદ્રોના જેઠની ભૂમિકા ભજવશે.
હાલમાં જ ભૂમિ પેડનકરની ફિલ્મ સોનચિડિયા સિનેમાઘરોમાં રિલીઝ થઈ છે. સમીક્ષકોએ આ ફિલ્મની ઘણી પ્રશંસા કરી છે. જ્યારે તાપસી પન્નૂની ફિલ્મ બદલા પણ રિલીઝ થઈ છે. આ ફિલ્મમાં તેની સાથે મહાનાયક અભિતાભ બચ્ચન મુખ્ય ભૂમિકામાં છે. ફિલ્મને સારો પ્રતિસાદ મળી રહ્યો છે.