બોલિવૂડની આ બોલ્ડ અભિનેત્રીને મળી ગેંગરેપની ધમકી, ગુજરાતમાંથી થયો ફોન

રાખીનું કહેવું છે કે, ફિલ્મનો વિરોધ એક પબ્લિસિટી સ્ટન્ટ છે. ભણસાલી અને દીપિકાને ટાર્ગેટ કરવામાં આવી રહ્યાં છે. પહેલા પણ રાણીઓ અને મુગલો પર ફિલ્મો બની છે. ફિલ્મને રિલીઝ થતા કોઈ અટકાવી નહીં શકે.

મુંબઈ: બોલીવુડની બોલ્ડ અભિનેત્રી રાખી સાવંતને પદ્માવતી ફિલ્મની પ્રશંસા કરવી ભારે પડી છે. રાખી સાવંતે ફેસબૂકમાં એક લાઈવ વીડિયો પોસ્ટ કરી ને ફિલ્મની પ્રશંસા કરી હતી અને કરણી સેનાનો વિરોધ કર્યો હતો. રાખીના આ વીડિયો બાદ કરણી સેનાના પેઈજ પરથી ધમકી ભરેલી પોસ્ટ લખવામાં આવી હતી. રાખી સાવંતનું મોઢુ કાળું કરવાની ધમકી આપવામાં આવી છે.

બોલીવુડ અભિનેત્રી રાખી સાવંતે કરણી સેનાની ધમકી બાદ તેમની વિરુદ્ધ ફરિયાદ નોંધાવી છે. તેણે કહ્યું કે કેટલાક લોકો દ્વારા મને મારા જૂના નંબર પર જાનથી મારી નાંખવાની ધમકી મળી રહી છે. રાજસ્થાન-ગુજરાતથી મારો નંબર હેક કરાયો છે અને સોશિયલ મીડિયા પર શેર કરવામાં આવ્યો છે. હું પણ રાજપૂત છું અને રાણી પદ્માવતીનો આદર કરું છું. રાખીએ કહ્યું કે, તેને ગેંગ રેપની ધમકીઓ પણ મળી રહી છે અને ગાળો પણ બોલવામાં આવી છે.

પોતાના વીડિયોમાં રાખીએ કહ્યું કે, સંજય લીલા ભણસાલીએ ખૂબ સારી ફિલ્મ બનાવી છે. રણવીર, દીપિકા અને શાહિદની જોડી ખૂબ સારી લાગી રહી છે. હું આ ફિલ્મ માટે ઉત્સાહિત છે. આ ફિલ્મના વિરોધીઓ આપણે પાઠ ભણાવવા જોઈએ.