શ્રીદેવીની રડતી પુત્રીઓને સાંત્વના આપવા સેલેબ્સનો જમાવડો, કયા-કયા સેલેબ્સે પાઠવી સાંત્વના, જાણો વિગત

પહેલાં દિવસે એટલે કે રવિવારે અનિલ કપૂરના ઘરે રેખા, શિલ્પા શેટ્ટી, રાની મુખર્જી, સ્વરા ભાસ્કર, અનુપમ ખેર, ડેવિડ ધવન, શબાના આઝમી, સતિષ કૌશિક, મહિપ કપૂર, વૈભવી મર્ચન્ટ, નીલિમા અઝીમ, અર્જુન કપૂર, કરન જોહર તથા મનિષ મલ્હોત્રા સહિતના સેલેબ્સ જોવા મળ્યાં હતાં.

આજે શ્રીદેવીની પુત્રીઓને સાંત્વના આપવ માટે માધુરી દીક્ષિત પતિ શ્રીરામ નેને સાથે આવી હતી. આ સિવાય બોલિવૂડ સ્ટાર્સ તબુ, હની ઈરાની, સરોજ ખાન, ફરહાન અખ્તર, શશિ રંજન, વેંકટેશ, કરન જોહર સહિતના સેલેબ્સ બીજા દિવસે જોવા મળ્યાં હતાં. આ તમામ સેલેબ્સ શ્રીદેવીની પુત્રીઓ સાંત્વના પાઠવવા માટે આવી પહોંચ્યા હતાં.

શ્રીદેવીનું નિધન થયું છે તે સમાચાર સાંભળતાં આખું બોલિવૂડ સ્તબ્ધ થઈ ગયું છે. શ્રીદેવાના પાર્થિવ દેહના દર્શન માટે આખું બોલિવૂડ રાહ જોઈને બેઠું છે. જ્યારે ઘણી સેલિબ્રિટી અનિલ કપૂરના ઘરે પહોંચી છે. બોલિવૂડના ઘણાં મોટા-મોટા સેલિબ્રિટી શ્રીદેવીના ઘરે આવી પહોંચ્યા હતાં. જ્યારે ઘરની બહાર ચાહકોની પણ ભીડ જામી હતી.

મુંબઈઃ બોલિવૂડ એક્ટ્રેસ શ્રીદેવીનું અવસાન 54 વર્ષે દુબઈમાં કાર્ડિયાક એરેસ્ટને કારણે થયું હતું. અવસાનના આટલા કલાકો બાદ પણ શ્રીદેવીનો પાર્થિવ દેહ ભારત આવ્યો નથી. ફોરેન્સિક રિપોર્ટ્સ આવી ગયા બાદ પાર્થિવ દેહને ભારત લાવવાની પ્રોસેસ શરૂ થશે. તો બીજી બાજુ મુંબઈમાં અનિલ કપૂરના ઘરે શ્રીદેવી-બોની કપૂરની બંને દીકરીઓ ખુશી તથા જાહન્વીને સાંત્વના પાઠવવા માટે સતત બીજા દિવસે બોલિવૂડ સેલેબ્સનો જમાવડો જોવા મળ્યો હતો.