ખેડૂત આંદોલન પર કંગનાએ એક ટ્વીટ શેર કર્યુ હતુ કે શાહીન બાગની દાદી પણ જોડાઇ ગઇ છે, અને ટાઇમ મેગેઝિનમાં જગ્યા બનાવી ચૂકેલી આ દાદી 100 રૂપિયામાં ઉપલબ્ધ છે. આ વાતને લઇને હવે સ્વરા ભાસ્કર કંગના પર ભડકી છે. તેને કહ્યું કે કંગનાનુ કામ ઝેર ફેલાવવાનુ છે, અને તેના ટ્વીટ એક એજન્ડા પ્રેરિત છે. સ્વરાએ કહ્યું કંગનાનુ આ નિવેદન અપમાનજનક અને ઘટિયા પ્રકારનુ છે.
સ્વરાએ કહ્યું કે, કંગના ઘરડાઓ વિરુદ્ધ ખરાબ ભાષાનો ઉપયોગ કરી રહી છે, તે પહેલા જયા બચ્ચન જેવા સીનિયર્સ વિરુદ્ધ આવી જ ભાષાનો ઉપયોગ કરી ચૂકી છે. કંગનાની ભાષા સહન કરવાલાયક નથી. એટલુ જ નહીં સ્વરા ભાસ્કરે દિલજીત દોસાંજના આ મુદ્દાની પ્રસંશા કરી છે. તેને કહ્યું દિલજીત યોગ્ય મુદ્દાને લઇને બોલી રહ્યો છે. ઉલ્લેખનીય છે કે કંગના અને દિલજીત વચ્ચે અગાઉ ટ્વીટર વૉર થઇ ચૂક્યુ છે.