Fighter Film Revenue: ઋત્વિક રોશન અને દીપિકા પાદુકોણની સ્ટારર ફિલ્મ 'ફાઇટર'ને દર્શકોનો જબરદસ્ત પ્રતિસાદ મળી રહ્યો છે. આ ફિલ્મ બૉક્સ ઓફિસ પર જોરદાર કમાણી કરી રહી છે. 'ફાઇટર' એ ઓપનિંગ ડે પછી બીજા દિવસે એટલે કે 26મી જાન્યુઆરી, ગણતંત્ર દિવસ પર મેગા કલેક્શન કર્યું છે. 22.50 કરોડ સાથે ઓપનિંગ કરનાર આ ફિલ્મના કલેક્શનમાં બીજા દિવસે મોટો ઉછાળો જોવા મળ્યો છે. આ ફિલ્મે એડવાન્સ બુકિંગમાં લગભગ 7 કરોડ રૂપિયાનું કલેક્શન કર્યું હતું. જ્યારે 'ફાઇટર'એ બે દિવસમાં 50 કરોડનો આંકડો પાર કરી લીધો છે.
ફાઇટરે કરી બીજા દિવસે કરી બમ્પર કમાણી -
Sacknilk અનુસાર, ફિલ્મ 'ફાઇટર'એ બીજા દિવસે તેની કમાણીમાં 77 ટકાથી વધુનો ઉછાળો જોયો છે. આ ફિલ્મે શુક્રવારે 26 જાન્યુઆરીએ 39 કરોડ રૂપિયાની કમાણી કરી હતી. આ સાથે સિદ્ધાર્થ આનંદ દ્વારા નિર્દેશિત ફિલ્મનું કુલ કલેક્શન હવે 61.50 કરોડ રૂપિયા પર પહોંચી ગયું છે. જ્યારે 'ફાઇટર'ના સવારના શોમાં 23.40 ટકાનો કબજો હતો, તે સાંજના શો દરમિયાન વધીને 52 ટકાથી વધુ થયો હતો.
ફિલ્મ ફાઇટરને થયો નફો -
ફિલ્મ 'ફાઇટર' 250 કરોડના બજેટમાં બની છે. આ ફિલ્મ દેશભરમાં 4200 સ્ક્રીન્સ પર રિલીઝ થઈ છે. આ ફિલ્મ 2D, 3D, IMAX 3D, 4DX 3D, ICE 3D અને IMAX 2D જેવા વર્ઝનમાં રિલીઝ કરવામાં આવી છે. 'ફાઇટર'માં વિસ્ફોટક એરિયલ એક્શન જોવા મળ્યું છે. ફિલ્મને બીજા દિવસે એટલે કે ગણતંત્ર દિવસનો પૂરેપૂરો લાભ મળ્યો. દર્શકોને આ ફિલ્મ ખૂબ જ પસંદ આવી રહી છે.
ફિલ્મ ફાઇટર વિશે.....
ઋત્વિક રોશન અને દીપિકા પાદુકોણની ફિલ્મ 'ફાઈટર'નું નિર્દેશન સિદ્ધાર્થ આનંદે કર્યું છે. આ ફિલ્મમાં ઋત્વિક રોશન સ્ક્વૉડ્રન લીડર શમશેર પઠાનિયા ઉર્ફે પૅટીની ભૂમિકામાં છે. આ ફિલ્મમાં ઋત્વિક રોશન અને દીપિકા પાદુકોણ ઉપરાંત કરણ સિંહ ગ્રોવર, અનિલ કપૂર, અક્ષય ઓબેરોય અને સંજીદા શેખ જેવા સ્ટાર્સ પણ જોવા મળ્યા હતા.