Rohit Sharma Movie: 'હિટમેન'ની હવે ફિલ્મોમાં એન્ટ્રી, રોહિત શર્મા 'શ્રીવલ્લી'ની 'પુષ્પા' સાથે ફિલ્મમાં કરશે કામ, જાણો વિગતે

રોહિત શર્મા હવે એક્ટિંગની દુનિયામાં પગ મુકી રહ્યો છે, તે આગામી સમયમાં એક મૂવીમાં દેખાશે, અને આનો ફર્સ્ટ લૂક પણ રિલીઝ કરી દેવામા આવ્યો છે.

Rohit Sharma Movie: ભારતના સુપરસ્ટાર બેટ્સમેન અને કેપ્ટન રોહિત શર્મા (Rohit Sharma) ત્રણેય ફોર્મેટમાં હાલમાં ટીમનો કેપ્ટન બની ગયો છે, આજકાલ રોહિતની ક્રિકેટ કેરિયર સુપર ડુપર હિટ ચાલી રહી છે, ત્યારે તેના ફેન્સ માટે વધુ એક મજાના સમાચાર સામે આવ્યા છે. રોહિત શર્મા હવે ક્રિકેટના મેદાનની બહાર પણ કમાલ બતાવશે, રોહિત શર્મા હવે એક્ટિંગની દુનિયામાં પગ મુકી રહ્યો છે, તે આગામી સમયમાં એક મૂવીમાં દેખાશે, અને આનો ફર્સ્ટ લૂક પણ રિલીઝ કરી દેવામા આવ્યો છે. રોહિત શર્માની આ ફિલ્મનું નામ મેગા બ્લોકબસ્ટર છે. તેના

ખાસ વાત છે કે, આ ફિલ્મનુ નામ મેગ બ્લૉકબસ્ટર છે, આ ફિલ્મમાં રોહિતની સાથે પુષ્પા ફિલ્મમાં ધમાલ મચાવીને નેશનલ ક્રશ બની ચૂકેલી એક્ટ્રેસ રશ્મિકા મંદાના દેખાશે. આ ફિલ્મના ફર્સ્ટ લૂકને ખુદ રોહિત શર્માએ પોતાના ઇન્સ્ટાગ્રામ પર શેર કર્યુ છે. આ ફર્સ્ટ લૂકને શેર કરતાં કેપ્શનમાં રોહિત શર્માએ લખ્યું છે કે નર્વસ ફિલ કરું છું, એક પ્રકારનો ડેબ્યૂ છે. આ ફિલ્મનું પ્રોડક્શન ઓશિમ કરશે. જ્યારે રોહિત આ ફિલ્મમાં મુખ્ય ભૂમિકામાં જોવા મળશે. આ ફિલ્મનું ટ્રેલર 4 સપ્ટેમ્બરનાં રોજ રીલીઝ થશે. 

રોહિતની સાથે સુપર સ્ટાર રશ્મિકા મંદાના - 
રશ્મિકા મંદાના સાઉથ સિનેમાની સુપરસ્ટાર એક્ટ્રેસ છે. પુષ્પા મૂવીમાં પોતાની એક્ટિંગથી તેણે દર્શકોના દિલ જીતી લીધા હતા. રશ્મિકા સોશિયલ મીડિયા પર પણ ઘણી એક્ટીવ રહે છે. તેમના દ્વારા શેર કરવામાં આવેલ તસ્વીરો ફેન્સને ખૂબ જ પસંદ આવે છે. હાલમાં જ રશ્મિકા મંદાનાએ પોતાના ઇન્સ્ટાગ્રામ પર ફિલ્મ મેગા બ્લોકબસ્ટરનું પોસ્ટર શેર કર્યું છે. આવામાં ફેન્સનાં મનમાં સવાલ ઉઠવા લાગ્યા છે કે શું રોહિત શર્મા મૂવીમાં રશ્મિકાનાં હીરો બનશે કે કેમ?

---

આ પણ વાંચો.......