Nusrat Jahan Baby Boy:લોકપ્રિય બંગાળી અભિનેત્રીથી ટીએમસી સાંસદ બનેલી નુસરત જહાં માં બની ગઈ છે. તેણે દિકરાને જન્મ આપ્યો છે. તેમણે કોલકાતાની એક પ્રાઈવેટ હોસ્પિટલમાં દિકરાને જન્મ આપ્યો છે. બુધવારે નુસરત જહાં પ્રાઈવેટ હોસ્પિટલમાં દાખલ થઈ હતી. આજે સવારે નુસરત જહાંએ હોસ્પિટલમાંથી પોતાના ઈન્સ્ટાગ્રામ હેન્ડલ પર એક તસવીર શેર કરી હતી. તસવીર શેર કરતા તેણે લખ્યું, ,"Faith Over Fear".
નુસરત, જે હાલના દિવસોમાં કથિત રીતે અભિનેતા-રાજનેતા યશ દાશગુપ્તાને ડેટ કરી રહી છે, તેણે પહેલા તર્ક આપ્યો હતો કે 2019માં વ્યવસાયી નિખિલ જૈન સાથે તેમનો લગ્ન સમારોહ તુર્કી વિવાહ નિયમન અનુસાર થયા હતા, એટલે ભારતમાં આ લગ્ન માન્ય નથી.
24 ઓગસ્ટના રોજ નુસરત જહા તથા યશદાસ ગુપ્તાએ એક જેવી જ સો.મીડિયા પોસ્ટ શૅર કરી હતી. આ પોસ્ટ પરથી લાગે છે કે બંને સાથે જ બહાર ગયા હતા. ઉલ્લેખનીય છે કે ચર્ચા છે કે નુસરત તથા યશદાસ એકબીજાને ડેટ કરે છે અને આ બાળક પણ યશદાસ ગુપ્તાનું હોવાની ચર્ચા છે.
નુસરત માતા બની પછી શુભેચ્છા પાઠવતા નિખિલ જૈને કહ્યું હતું, 'હું તેની તથા તેના બાળકની સારી હેલ્થ માટે દુઆ કરે છે. ભગવાન કરે કે બાળક જીવનમાં બહુ જ આગળ જાય. નુસરત સાથેના મારા મતભેદો તેના બાળક માટે મને સારું વિચારતા અટકાવી શકે નહીં. હું તેના માટે ભલું જ ઈચ્છું છું. બાળક હેલ્થી હોય તથા તેનું ભવિષ્ય સમૃદ્ધ બને.'
2020માં નુસરત તથા યશ ફિલ્મ 'SOS કોલકાતા'ના શૂટિંગ દરમિયાન એકબીજાને ડેટ કરતાં થઈ ગયા હોવાની ચર્ચા છે. આ દરમિયાન બંને રાજસ્થાન ટ્રિપ પર વેકેશન મનાવવા પણ ગયાં હતાં.
બે મહિના પહેલાં નુસરતની પ્રેગ્નન્સીની વાત સામે આવી હતી અને તે અંગે નિખિલે કહ્યું હતું કે તેને આ વિશે કોઈ માહિતી નથી. જો આ વાત સાચી હશે તો તે બાળક તેનુ નથી. ત્યારબાદ નુસરતે કહ્યું હતું કે તેના લગ્ન માન્ય નથી. તેથી ડિવોર્સ લેવાનો તો સવાલ જ નથી.