મુંબઈ: બોલીવૂડ અભિનેતા શાહરૂખ ખાન ફેન્સને સરપ્રાઈઝ કરવાની કોઈ તક છોડતો નથી. 20 ફેબ્રુઆરીએ પણ કિંગ ખાને ટ્વિટર પર #Askrk સેશન રાખીને તેના ચાહકોને ખુશ કર્યા હતા. હંમેશની જેમ, ચાહકો શાહરૂખ ખાનને પ્રશ્નો પૂછ્યા અને બોલિવૂડના બાદશાહે ચાહકોના પ્રશ્નોના જવાબો આપ્યા હતા.
Ask SRK સેશમાં ચાહકોએ શાહરુખ ખાનને અલગ-અલગ સવાલો કર્યા હતા. જેમાં અભિનેતાએ ખૂબ જ શાનદાર જવાબો આપ્યા હતા. જેમાં એક ચાહકે શાહરુખ ખાનને સુખી લગ્ન જીવનનું સિક્રેટ પુછી લીધુ હતું. જેનો જવાબ શાહરુખ ખાને આપ્યો હતો.
ફેન્સે શાહરૂખને સુખી લગ્ન જીવનનું રહસ્ય પૂછ્યું
સોમવારે શાહરૂખે તેના ચાહકો માટે Ask SRK સેશન રાખ્યું હતું. જેમાં અભિનેતાના ફેને તેને હેપ્પી મેરીડ લાઈફનું રહસ્ય પૂછ્યું હતું. ફેને પૂછ્યું, 'તમારા સુખી લગ્ન જીવનનું રહસ્ય શું છે ? આનો જવાબ આપતા શાહરૂખે લખ્યું કે, ગૌરીનું દિલ અને મગજ સૌથી સરળ છે. તેણે અમને બધાને પરિવાર અને પ્રેમની અચ્છાઈમાં વિશ્વાસ અપાવ્યો છે." શાહરૂખના જવાબથી ચાહકો ખૂબ જ પ્રભાવિત થયા છે અને તેના વખાણ કરી રહ્યા છે.