સ્ટ્રીટ ડાન્સર 3Dએ રિલીઝ થયાના ચાર દિવસમાં 45.88 કરોડ રૂપિયાની કમાણી કરી લીધી છે. જ્યારે ફિલ્મ પંગા ચાર દિવસમાં માત્ર 16.56 કરોડ રૂપિયાની કમાણી કરી શકી છે. સ્ટ્રીટ ડાન્સર 3Dએ પ્રથમ દિવસે બમ્પર ઓપનિંગ કરતા 10.26 કરોડની કમાણી કરી હતી. જ્યારે બીજા દિવસે 13.21 કરોડ અને ત્રીજા દિવસે 17.76 કરોડની કમાણી કરી હતી. આ સાથે જ ફિલ્મે પોતાના પ્રથમ વિકેન્ડાં 41.23 કરોડની કમાણી કરી લીધી છે.
કંગના રનૌત સ્ટારર પંગા ફિલ્મની વાત કરીએ તો ફિલ્મે પ્રથમ દિવસે 2.70 કરોડની કમાણી કરી હતી. જો કે બાદમાં ફિલ્મે શનિવાર અને રવિવારે સારી કમાણી કરી હતી. શનિવારે 5.61 કરોડ રૂપિયા અને રવિવારે 6.60 કરોડ રૂપિયાની કમાણી કરી હતી. ફિલ્મ રિલીઝના ચોથા દિવસે માત્ર 1.65 કરોડ રૂપિયાની કમાણી કરી છે.