Live: શ્રીદેવીને અંતિમ વિદાય, બોલિવૂડના કયા કયા સેલેબ્સે કર્યા અંતિમ દર્શન, જુઓ તસવીરો

શ્રીદેવીના પરિવાર તરફથી મંગળવારે જારી નિવેદનમાં કહેવામાં આવ્યુ- આ ભાવુક ક્ષણમાં પરિવારનો સાથ આપવા માટે મીડિયાનો આભાર. શ્રીદેવીના અંતિમ સંસ્કાર 3:30 કલાકે વિલે પાર્લેના સ્મશાન ઘાટમાં કરવામાં આવશે. બપોરે 2 કલાકે અંતિમ યાત્રા કાઢવામાં આવશે. સેલિબ્રેશન સ્પોર્ટ્સ ક્લબ શ્રીદેવીના ઘરની નજીક આવેલી છે. શ્રીદેવીના પાર્થિવ દેહના અંતિમ દર્શન કરવા માટે ફિલ્મી સિતારા, ચાહકોની ભારે ભીડ લાગી છે.

શ્રીદેવીનો પાર્થિવ દેહ મંગળવાર રાત્રે મુંબઇ પહોચ્યો હતો. મુંબઇ એરપોર્ટથી લઈ શ્રીદેવીના લોખંડવાલા સ્થિત ઘર સુધી ભારે પોલીસ બંદોબસ્ત ગોઠવવામાં આવ્યો હતો. શ્રીદેવીના ફેન્સ પણ મોટી સંખ્યામાં તેના ઘરની બહાર જોવા મળ્યા હતા જેને લઈ પોલીસે પણ ભારે જહેમત ઉઠાવવી પડી હતી.

સેલિબ્રેશન સ્પોર્ટ્સ ક્લબમાં સેલિબ્રિટીઝ અને આમ આદમીને અલગ-અલગ ગેટથી એન્ટ્રી આપવામાં આવી રહી છે.

મુંબઈ: બોલિવૂડ અભિનેત્રી શ્રીદેવીના પાર્થિવ દેહને અંતિમ દર્શન માટે લઈ જવામાં આવી રહ્યો છે. શ્રીદેવીના ઘરેથી તેનો પાર્થિવ દેહ ઘરની પાસે આવેલા સેલિબ્રેશન ક્લબમાં અંતિમ દર્શન માટે રાખવામાં આવ્યો છે. શ્રીદેવીના અંતિમ દર્શન સવારે 9:30 વાગેથી જ શરૂ કરી દેવામાં આવ્યા છે. જે 12:30 વાગ્યા સુધી રાખવામાં આવશે.